ا ق ش پەن ق ح ر يادرولىق ماتەريالداردىڭ ۇرلانۋىن بولدىرماۋ ءۇشىن ىنتىماقتاستىقتى تەرەڭدەتۋگە نيەتتى

استانا. قازاقپارات - ا ق ش پەن قىتاي يادرولىق ماتەريالداردىڭ ۇرلانۋى مەن ولاردىڭ لاڭكەستەر مەن باسقا قىلمىستىق ەلەمەنتتەردىڭ قولىنا تۇسپەۋىن بولدىرماۋعا باعىتتالعان ەكىجاقتى ىنتىماقتاستىقتى كەڭەيتۋدى جوسپارلاپ وتىر.

بۇل تۋرالى بەيسەنبى كۇنى ۆاشينگتوندا ءوتىپ جاتقان يادرولىق قاۋىپسىزدىك بويىنشا حالىقارالىق سامميتتىڭ بارىسىندا قابىلدانعان امەريكاندىق- قىتايلىق بىرلەسكەن مالىمدەمەدە ايتىلادى، دەپ حابارلايدى ت ا س س.

اق ءۇيدىڭ باسپا ءسوز قىزمەتى جاريالاعان قۇجات ماتىنىندە اتاپ وتىلگەندەي، ۆاشينگتون مەن بەيجىڭ «لاڭكەستەردىڭ، قىلمىستىق ەلەمەنتتەردىڭ يادرولىق جانە باسقا رادياكتيۆتى ماتەريالداردى ساتىپ الۋىن بولدىرماۋعا تاباندى اينىماستىعىن» قۋاتتاپ وتىر. وسىعان بايلانىستى، ا ق ش پەن ق ح ر يادرولىق جانە راديواكتيۆتى ماتەريالدىڭ كونترابانداسىن ۇيىمداستىرعان جەلىلەردىڭ قىزمەتىن تەرگەۋگە، سونداي- اق ونى ىزدەۋگە جانە تاركىلەۋگە، كىنالىلەردى قاماۋعا الۋعا جانە سوت جاۋاپكەرشىلىگىنە تارتۋعا باعىتتالعان بىرلەسكەن ءوزارا ىقپالداستىقتى «تەرەڭدەتۋ مۇمكىندىكتەرىن ىزدەۋدى جالعاستىرۋعا» نيەتتى.

بۇدان باسقا، ۆاشينگتون مەن بەيجىڭ يادرولىق قاۋىپسىزدىك ماسەلەلەرىن كۇن سايىن «ەكىجاقتى تالقىلاۋ» تۋرالى شەشىم قابىلدادى. وسىنداي ديالوگتىڭ ءبىرىنشى راۋندى اعىمداعى جىلدىڭ 20 - اقپانىندا ستوكگولمدا ءوتتى.

 ودان كەيىن ا ق ش پەن قىتاي بولشەكتەلەتىن ماتەريالداردىڭ فيزيكالىق قورعالۋىن قامتاماسىز ەتۋمەن اينالىساتىن قىزمەتكەرلەردى دايىنداۋعا، بۇل سالادا تاجىريبە الماسۋدا ىنتىماقتاسۋعا ۋاعدالاستى.