قازاق ءتىلىن شەتەل وقۋشىلارى ۇيرەنىپ جاتىر
وليمپيادانىڭ جۇلدەگەرلەردى ماراپاتاتۋ ءراسىمى 26 - ناۋرىز كۇنى سۇلەيمەن دەميرەل ۋنيۆەرسيتەتىندە ءوتتى.
شاراعا سەنات دەپۋتاتتارى، ءتىل كوميتەتىنىڭ باسشىلىعى، وبلىس اكىمدەرى، وبلىستىق ءبىلىم باسقارماسى، قوعام قايراتكەرلەرى، اقىن- جازۋشىلارىمىز جانە اتاقتى انشىلەر قاتىسىپ، وليمپيادا جۇلدەلى ورىندارعا يە بولعان وقۋشىلاردى ارنايى ماراپاتتادى.
وليمپيادانى وتكىزۋدىڭ باستى ماقساتى - مەملەكەتتىك ءتىلدىڭ قولدانۋ اياسىن كەڭەيتۋ جانە ونى دامىتۋ، ءارى قازاق ءتىلى مەن ادەبيەتى پاندەرى بويىنشا ەرەكشە دارىندى وقۋشىلاردى انىقتاۋ، قازاق تىلىندە ءان ايتۋ، مانەرلەپ وقۋ، عىلىمي جۇمىس قورعاۋ، شىعارماشىلىق قابىلەتىن كورسەتۋ ارقىلى قازاقستاننىڭ «جارقىن بولاشاعىن» ءۇشىن ايانباي قىزمەت ەتەتىن قابىلەتتى جاستارعا قولداۋ كورسەتۋ.
«جارقىن بولاشاق» وليمپياداسىندا وقىتۋ تىلىنە قاراماستان، مەملەكەتتىك جانە مەملەكەتتىك ەمەس جالپى ءبىلىم بەرەتىن مەكتەپتەردىڭ، ليتسەيلەردىڭ، گيمنازيالاردىڭ اراسىندا ەلىمىزدىڭ بارلىق وبلىستارىنان كەلگەن قازاق ءتىلى مەن ادەبيەتى بويىنشا 7-11 -سىنىپ وقۋشىلارى 5 باعىت بويىنشا («ءتىلشى- ادەبيەتشىلەر» ، «جاس عالىمدار» ، «جازۋشىلار» ، «ءسوز شەبەرلەرى» ، « ءانشى- بۇلبۇلدار» ) ءبىلىمىن ساراپقا سالدى.
وليمپيادادا اۋداندىق، قالالىق جانە وبلىستىق جارىستارىنا مىڭداعان وقۋشى قاتىسىپ، اقتىق مارەدە جەڭىمپاز اتانعان جاستارعا ەلىمىزدەگى ج و و- ڭ ءبىلىم گرانتى تابىس ەتىلدى. بۇل جولى وليمپياداعا رەسپۋبليكا بويىنشا 5 مىڭنان اسا وقۋشى قاتىسىپ، سولاردىڭ ىشىنەن ىرىكتەلگەن توپ ارنايى ءوزارا باسەكەگە ءتۇستى. ءۇش كۇندىك جارىس كەزىندە ارنايى باعالاۋشىلاردىڭ ءار سەكتسيا بويىنشا تاڭداعان جەڭىمپازدارى باعالى سىيلىقتارمەن ماراپاتتالدى. رەسپۋبليكالىق ج و و- لاردان 40 گرانت جەڭىمپازدارعا بۇيىرىپ، تەگىن وقۋ مارتەبەسىنە يە بولدى. ءبىر عانا سۇلەيمەن دەميرەل اتىنداعى ۋنيۆەرسيتەت تاۋەلسىزدىك 25 -جىلدىعىنا وراي 25 گرانت ءبولىپتى. ۇيىمداستىرۋشىلار قازاق ءتىلى مەن ادەبيەتىن جەتىك مەڭگەرگەن وقۋشىلار سانى جىل سايىن كوبەيىپ كەلە جاتقانىن ايتادى. جارىسقا قاتىسۋشىلاردىڭ باسىم بولىگى ورىس مەكتەپتەرىندە ءبىلىم الاتىنى قۋانتارلىق جايت.
جابىلۋ كەشىنە ارنايى ونەر جۇلدىزدارىمەن قاتار، "ءانشى- بۇلبۇلدار" نوميناتسياسى بويىنشا جۇلدە العان جاس تالانتتار ءان ايتىپ، ءبي بيلەسە، "ءسوز شەبەرلەرىنىڭ" ىشىنەن سۋىرىلىپ شىققاندارى مۇقاعالي مەن جۇبان اقىننىڭ ولەڭدەرىن مانەرلەپ وقىپ، جۇرتشىلىقتى ءتانتى ەتتى.
الداعى ايدا استانا تورىندە الەمنىڭ 30 ەلىنەن قازاق ءتىلى مەن ادەبيەتىن تەرەڭ مەڭگەرگەن وقۋشىلار «جارقىن بولاشاق» اتتى بايقاۋعا قاتىسادى. بۇل قازاق ءتىلىنىڭ الەمدىك مارتەبەسىن كوتەرىپ، عىلىم مەن ءبىلىم، حالىقارالىق قاتىناس تىلىنە اينالۋىنىڭ ءبىر كورىنىسى. بۇل شارا تۋرالى الداعى ۋاقىتتا كەڭىرەك جازاتىن بولامىز.
dalanews.kz
