ق ر پرەزيدەنتى مەن ەۋروكەڭەس ەكىجاقتى ىنتىماقتاستىقتى جانە حالىقارالىق جاعدايدى تالقىلاۋدا
كەزدەسۋ الدىندا ن. نازاربايەۆ پەن د. تۋسك قول الىستى جانە كەلىسسوزدەر وتكىزۋگە بەت الدى.
تاراپتار قازاقستان مەن ەۋروپالىق وداقتىڭ (ە و) اراسىنداعى قاتىناستاردى دامىتۋدىڭ جاي-كۇيى مەن كەلەشەگىنە قاتىستى كەڭ اۋقىمدى ماسەلەلەردى تالقىلايدى دەپ كۇتىلۋدە. سونىمەن بىرگە، حالىقارالىق كۇن ءتارتىبىنىڭ وزەكتى قىرلارى بويىنشا پىكىر الماسادى.
ەۋروپالىق وداق قازاقستاننىڭ نەگىزگى ساياسي جانە ەكونوميكالىق ارىپتەستەرىنىڭ ءبىرى. ە و ۇلەسىنە قازاقستاندىق سىرتقى ساۋدا اينالىمىنىڭ جارتىسىنان استامى جانە قازاقستان ەكونوميكاسىنا تارتىلعان شەتەلدىك كاپيتالدىڭ %50 ى تيەسىلى.
سوڭعى 10 جىلدا ەۋرووداق ەلدەرىنەن قازاقستان ەكونوميكاسىنا قۇيىلعان تىكەلەي ينۆەستيتسيا كولەمى 107,4 ميلليارد ا ق ش دوللارىن (بارلىق ينۆەستيتسيا كولەمى - 218 ميلليارد ا ق ش دوللارى) قۇرادى. تاۋەلسىزدىك جىلدارىندا قازاقستان ە و- نىڭ ەنەرگەتيكالىق سالاداعى سەنىمدى ءارى جاۋاپتى ارىپتەسى رەتىندە تانىلدى. قازاقستان ەۋروپاعا ەنەرگيا تاسىمالداۋ كولەمى بويىنشا و پ ە ك- كە مۇشە ەمەس ەلدەر اراسىندا رەسەي جانە نورۆەگيادان كەيىن ءۇشىنشى ورىن الادى.
ەۋروپانىڭ ءبىرقاتار ەلدەرىندە قازاقستاننان جەتكىزىلەتىن مۇنايدىڭ ۇلەسى جوعارى. اتاپ ايتقاندا، اۆستريادا %25، رۋمىنيادا - %30. قازاقستان گەرمانياعا ەنەرگيا رەسۋرستارىن تاسىمالداۋشى ەلدەر اراسىندا ءتورتىنشى ورىندا.
ەستەرىڭىزگە سالا كەتەيىك، سەيسەنبى كۇنى ق ر پرەزيدەنتى نۇرسۇلتان نازاربايەۆتىڭ بەلگيا كورولدىگىنە جۇمىس ساپارى باستالعان بولاتىن. د. تۋسكپەن كەلىسسوزدەردەن كەيىن ەۋروپالىق كوميسسيا ءتوراعاسى ج. -ك. يۋنكەرمەن كەزدەسۋ وتكىزۋ جوسپارلانعان.
