وباما پۋتينگە: مەن ماقالالاردى جاريالانعانعا دەيىن سەن سياقتى تۇزەتپەيمىن

استانا. قازاقپارات - ا ق ش پرەزيدەنتى باراك وباما تىلشىلەرگە ۆلاديمير پۋتينمەن اڭگىمەسى جايلى ايتىپ بەردى، مۇندا اق ءۇي باسشىسى باسپا سوزدەگى ءسوز بوستاندىعى جايلى ماسەلەنى كوتەرگەن.

اڭگىمە بارىسىندا امەريكالىق ليدەر رەسەيلىك ارىپتەسىن ەلىندەگى ب ا ق- تى تولىقتاي باقىلاپ وتىرادى دەگەن بولجام ايتتى، - دەپ جازادى New York Times.

ۆاشينگتوندا روبين تونەر اتىنداعى جۋرناليستىك سىيلىقتى ماراپاتتاۋ راسىمىندە وباما ءتىلشى دجەفري گولدبەرگتىڭ Atlantic جۋرنالىندا جاريا بولعان ماقالاسىن ەسكە سالدى. ماقالا وبامانىڭ سىرتقى ساياسي دوكتريناسىنا ارنالىپ، امەريكالىق وداقتاستارى مەن ساۋد ارابياسىنىڭ بيلىگىنە جانە  ۇلى بريتانيانىڭ پرەمەر-ءمينيسترى دەۆيد كەمەرونعا قاتىستى وتكىر سىن ايتىلعاندىقتان، الەم بويىنشا شۋعا اينالعان ەدى.

وباما پۋتينمەن وسى ماقالا جايلى اڭگىمەلەسىپتى. ماقالانىڭ كەي تۇسىنا پۋتين قارسى بولىپتى. «پۋتين مىرزا اشىق تۇردە تاڭعالعانىن جاسىرا المادى» - دەپ جازادى باسىلىم.

وعان وباما جۋرناليستەردىڭ ىسىنە ارالاسپايتىنىن ايتىپ، جاۋاپ قاتىپتى. «ساعان قاراعاندا، ۆلاديمير، مەن ماقالالاردى جاريالانۋ الدىندا مەن تۇزەمەيمىن»، - دەپ كەلتىرەدى وبامانىڭ ءسوزىن ينوتۆ. الايدا وباما پۋتينمەن بۇل اڭگىمەنىڭ قاشان بولعانىن ناقتىلامادى.

tengrinews.kz