مارجان سۇلتانباي ءوزىن سىناعاندارعا توسەك قاتىناسى دۇرىس ەمەس دەگەن دياگنوز قويدى
كوپشىلىك اتا- باباسىن «عىلىم دامىماي تۇرعان ساتتە نادان بولعان» دەپ سىناعان جۋرناليستىڭ ءوزىن قاتاڭ سىننىڭ استىنا الىپ، مارجان سۇلتانبايدىڭ قىلىقتارىن اڭگىمەلەي تۇسكەن ەدى. جەلى قولدانۋشىلارى تۇرمىسقا شىققان مارجاننىڭ جاسىرىپ جۇرگەن كۇيەۋىنە دە تيىسە باستاعان بولاتىن.
مارجان سۇلتانباي ءوزىن «راديكاليست» دەپ اتاعاندارعا ءوز جاعدايىن تۇسىندىرە وتىرىپ جاۋاپ بەرگەن.
«ال، ءدىني تاقىرىپتا مەن، بلوندينكا، ماقالا جازالا المايمىن. ويتكەنى، ول ءۇشىن ارنايى ءبىلىم بولۋ كەرەك. سۇراق: مەن ءدىني راديكاليستپىن بە؟ سول راس بولسا، وندا مەن سياقتى كەڭ ەتەك كويلەك كيىپ، باسىنا ورامال تاققان بۇكىل ماڭعىستاۋدىڭ ايەلدەرى كىرىپ كەتەدى بۇل توپقا!»، - دەپ قازاقشا ويۋلى كيىمدەر مەن ورامال تاققان كەلىنشەكتەردىڭ سۋرەتتەرىن جاريالايدى.
«مەن - كەلىنمىن! العاشقى كۇننەن اتا- ەنەمنىڭ الدىندا سيداڭداپ توبىعىمدى كورسەتىپ جۇرگەن ەمەسپىن، ۇزبەي سالەم ەتەم، قاينىلارىمنىڭ اتىن اتامايمىن، مەگا سوۆرەمەننىي بولسا دا، قايىن اپامنىڭ كوزىنشە جالاڭباس جۇرگەن ەمەسپىن. مەنىڭ وتباسىمنىڭ ءوز زاڭدىلىقتارى مەن ەرەجەلەرى بار. اركىم وزىنە، ءوز وتباسىنا ءوزى جاۋاپ بەرەد"، - دەيدى مارجان سۇلتانباي.
سۇلتانباي ءوزىن "راديكاليست" دەپ اتاعان ازاماتتى زەرتتەپ، ونىڭ پسيحولوگياسى دۇرىس ەمەس دەگەن قورىتىندىعا كەلىپتى.
«اناۋ جازعىشبەكوۆنا تۋرالى سۇراستىرسام، ءوزى اركىمگە ءبىر قىرعيداي ءتيىپ- ءتيىسىپ، ەلدى تۇگەندەپ وتىراتىن ادام ەكەن. پسيحولوگتاردىڭ ايتۋىنشا، توسەگى - سۋىق، كۇيەۋى جايسىز بولسا، ايەلدەر كوزدەرى الاق- جۇلاق ەتىپ وزگەگە تيىسكىش، بولماشىعا اشۋلانعىش، جان- جاعىن جامان سوزبەن جايپاعىش بوپ كەتەدى. ۇيىندە بەرەكە بولماعان سوڭ، ايەلدىڭ باقىتتان ءجۇزى بال- بۇل جانىپ جۇرمەيدى. ونداي بەيشارالاردى اياۋ كەرەك...»، - دەيدى مارجان سۇلتانباي.
Stan.kz
