مەملەكەت باسشىسى قازاقستاننىڭ ءبىرقاتار ەلدەگى ەلشىلەرىن تاعايىندادى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىقتارىمەن قازاقستان رەسپۋبليكاسىنىڭ برازيليا، وزبەكستان، تاجىكستان، ارمەنيا جانە فينليانديا رەسپۋبليكالارىنداعى توتەنشە جانە وكىلەتتى ەلشىلەرى تاعايىندالدى.

بۇل تۋرالى اقوردانىڭ باسپا ءسوز قىزمەتىنەن حابارلادى.

«مەملەكەت باسشىسىنىڭ جارلىقتارىمەن:

قايرات اسانياز ۇلى سارجانوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى؛

ەرىك مىلتىقباي ۇلى وتەمبايەۆ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى، ول قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى؛

نۇرلان مۇساتاي ۇلى سەيتىموۆ قازاقستان رەسپۋبليكاسىنىڭ تاجىكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى؛

تيمۋر بەيبىتالى ۇلى ورازايەۆ قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى؛

مۇرات ءابۋعالي ۇلى نۇرتىلەۋوۆ قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى»، دەلىنگەن حابارلامادا.