قازاقستاندا دەپوزيت ارزىمايتىن تابىس اكەلەدى
جاسالعان كەلىسىم بويىنشا، ول 2 جىل بويىنا ول اقشاعا قول تيگىزە المايدى. ەكى جىلدا ونىڭ اقشاسىنىڭ ۇستىنە جىلىنا %10,5 ۇستەمە قوسىلىپ وتىرۋى ءتيىس. «بيىلعى مامىردا مەن اقشامدى دەپوزيتتەن شەشىپ الا الامىن. سوندا قولىما تيەتىنى - 31 مىڭ تەڭگە» دەيدى كاميلا.
كەلەسى ءبىر كەيىپكەرىمىز ارمان توقمىرزا ۇلى 1 ميلليون تەڭگەسىن ۇيدە قۇر جاتپاسىن دەپ بەلگىلى ءبىر بانكتىڭ دەپوزيتىنە سالعان. ءبىر جىلدا ول ءوز اقشاسىنىڭ ۇستىنەن 90 مىڭ تەڭگە پايدا كوردى. الايدا، كليەنتتىڭ كورەتىن پايداسى بانكتىڭ پايداسىنىڭ قاسىندا تۇك ەمەس. ويتكەنى، بانك ول قاراجاتتىڭ ۇستىنەن ونداعان پايىز تابىس تاۋىپ، ال سىزگە سونىڭ تەك ازداعان بولىگىن تولەيدى. اتاپ ايتساق، ولار ءبىزدىڭ اقشامىزدى %20-25 بەن نەسيەگە بەرىپ، سالىمشىلارعا سونىڭ تەك %10 ىن تولەپ وتىرادى. كوپتەگەن حالىقارالىق بانكتەر ءار ەلدە ءارتۇرلى پايىزدىق ستاۆكا بەلگىلەيدى. ايتالىق، سبەربانكتىڭ چەحياداعى فيليالىندا نەسيەنىڭ پايىزى %6,99 بولسا، قازاقستاندا %18 دان باستالادى.
تالاپ بويىنشا، دەپوزيتكە كەم دەگەندە 15 مىڭ تەڭگە سالۋ كەرەك. ال 15 مىڭ تەڭگە سالىپ، ونىڭ ءبىر جىلدا وسكەنىن كۇتسەڭىز، اقشاڭىز بار بولعانى 1500 تەڭگەگە كوبەيەدى. جالپى، الەمدىك تاجىريبەدە دەپوزيت - ەڭ ءتيىمسىز قارجى وپەراتسياسى. ال قازاقستاندا دەپوزيت سالىمشىلارىنىڭ سانى ارتىپ كەلەدى. ءبىراق سالىمشىلار وتە از پايدا تابادى. ماسەلەن، ا ق ش حالقى دەپوزيتكە قىزىقپايدى. ولار ءوز قارجىلارىن اكسيالارعا سالعاندى ءجون كورەدى. ال قازاقستاندىقتاردا دەپوزيتتەن باسقا امال جوق. ەكونوميست-مامانداردىڭ پىكىرىنشە، قازاقستاندىقتار اقشانى جاي ساقتاۋ ءۇشىن عانا دەپوزيتكە سالادى. ياعني تۇپكى ماقسات - تابىس تابۋ ەمەس، ساقتاۋ. بانك ماماندارىنىڭ ايتۋىنشا، اقشانى كوبىرەك سالعان سايىن، كورەتىن پايداڭ دا قوماقتى. دەمەك، دەپوزيت - مول قارجىسى بار ادامدارعا ارنالعان ينۆەستيتسيا.
يسلام ءدىنى نەسيەمەن قاتار دەپوزيتتى دە حارام دەپ سانايدى. «پايىزدان پايدا كورۋ دۇرىس ەمەس. سول ءۇشىن يسلام بانكىنە عانا اقشا سالۋعا بولادى. يسلام بانكىندە دەپوزيتتىڭ 2 ءتۇرى بار. ءبىرىنشىسى - ەشقانداي اقىسىز، سول اقشاڭدى بانكتە ساقتاۋ دەپوزيتى. ەكىنشىسى - ينۆەستيتسيالىق دەپوزيت. وعان اقشا سالعان تۇلعا بانكپەن بىرگە سول قارجىنى قولداناتىن كومپانيامەن سەرىكتەس بولادى جانە بارلىق تاۋەكەلدەر مەن پايدانى ءوزارا ۇلەستىرەدى» دەيدى ءدىنتانۋشى ماماندار.
