باس پروكۋراتۋرا ق ح ر مەن ا ق ش- تان ءتورت قازاقستاندىقتى جازاسىن وتانىندا وتەۋگە قابىلدايدى
دەپ حابارلادى باس قاداعالاۋ ورگانىنىڭ حالىقارالىق ىنتىماقتاستىق دەپارتامەنتىنىڭ باستىعى سەرگەي دوسپولوۆ.
«وتكەن بەس جىل كەزەڭىندە قازاقستان ءبىزدىڭ 152 ازاماتتى قابىلدادى. 2015 - جىلدىڭ تامىز ايىنان بەرى قىتايدان توعىز جەرلەسىمىز قابىلداندى، تاعى دا ەكەۋىن جاقىن ارادا كۇتۋدەمىز. 2015 -جىلدىڭ جەلتوقسان ايىندا 1993 -جىلعى قىلمىستىق جازانى شەتەلدە وتەۋدىڭ امەريكاارالىق كونۆەنتسياسىنا قوسىلۋىمىزعا بايلانىستى قازاقستانعا امەريكا قۇرلىعىندا جازاسىن وتەپ جاتقان ازاماتتارىمىزدى اۋدارىپ الۋ مۇمكىندىگى تۋىنداپ وتىر. مىسالعا، قازىر ا ق ش- تا ءارتۇرلى مەرزىمگە سوتتالعان ەكى ازاماتىمىزدى اۋدارىپ الۋ بويىنشا جۇمىس جۇرگىزىلىپ جاتىر»، دەدى س. دوسپولوۆ سۇحباتىندا. .
ونىڭ ايتۋىنشا، اعىمداعى جىلعى ناۋرىز ايىندا قىتايلىق تاراپ 42 جاسار الماتى تۇرعىنى م. دەگەن ازاماتتى جازاسىن ءارى قاراي وتەۋ ءۇشىن بىزگە بەردى. 2003 - جىلى ول ۇرىمجىدە ادام ءولتىرۋ ايىبى بويىنشا ۇستالعان بولاتىن. 2004 -جىلى قىتاي سوتىمەن ءومىر بويى باس بوستاندىعىنان ايرىلىپ، كەيىن جازا مەرزىمى قىسقارتىلدى. ول جازاسىن ءۇرىمجى تۇرمەسىندە وتەپ جاتقان بولاتىن.
«وسى ۋاقىت ىشىندە بىزدەر سوتتالعان 265 شەتەل ازاماتىن بەردىك، ولاردى ۇستاۋ ءۇشىن جۇمسالاتىن 375 ميلليون تەڭگە شىعىندالماي، قازاقستاندىق بيۋدجەتتى ۇنەمدەدى»، - دەپ ءتۇيدى ءسوزىن س. دوسپولوۆ.
