دەپۋتات قايرات نۇرتاس پەن جانار دۇعالوۆاعا حالىق قالاۋلىسى بولۋدىڭ جولىن ايتتى

استانا. قازاقپارات - پارلامەنت ءماجىلىسىنىڭ دەپۋتاتى مايرا ايسينا دەپۋتاتتىق ماندات الماعان قايرات نۇرتاس پەن جانار دۇعالوۆاعا زاڭگەر ماماندىعىن يەلەنىپ، تاجىريبە جيناقتاۋعا كەڭەس بەردى.

بۇل تۋرالى دەپۋتات ءماجىلىستىڭ VI شاقىرىلىمى مەن پارلامەنت پالاتاسىنىڭ بىرىككەن وتىرىسىنان كەيىنگى جۋرناليستەرگە بەرگەن سۇحباتىندا ايتتى، دەپ حابارلايدى azpravda.kz-كە سىلتەمە جاساپ baistars.kz.

"دەپۋتات اتانۋ جانە بولۋ - وتە ۇلكەن جاۋاپكەرشىلىك. الدىڭعى بەسىنشى شاقىرىلىمدى مەن 70 پايىزعا تانيتىنمىن، جاڭا قۇرامدى - 40-50 پايىزعا. ءبىراق جاڭا ادامدار جاڭا يدەيالارىمەن، ويىلارىمەن كەلەدى، سوندىقتان قىزىعىراق بولادى"، - دەدى ايسينا.

ماجىلىسمەندەردىڭ جاڭا قۇرامىنا قايرات نۇرتاس پەن جانار دۇعالوۆا نەگە كىرمەي قالعانى جايلى سۇراققا، دەپۋتات ولاردىڭ تاجىريبەسىزدىگىن العا تارتىپ، زاڭ شىعارۋ سالاسىندا تاجىريبە جيناقتاۋعا كەڭەس بەردى.

"بىرەۋدى باعالاۋ - لايىقسىز ءىس، ءبىراق ولار - جاس، ءبارى الدا. سونىمەن قاتار، زاڭ شىعارۋ ورگانىنا بارۋ ءۇشىن حالىق اراسىندا بەدەل مەن تانىمالدىلىقتان وزگە، وسى سالا توڭىرەگىندە ءبىلىمىڭ بولۋى كەرەك. پروفەسسيونالدىلىق پەن تاجىريبە كەرەك، ءبىزدىڭ باستى مىندەتىمىز - زاڭ شىعارۋعا يتەرمەلەۋ. ال جاستار كىشكەنە ۇيرەنسىن، زاڭگەرلىك ءبىلىم السىن، ولاردا ءبارى الدا"، - دەپ قوستى دەپۋتات.

ايتا كەتەيىك، قايرات نۇرتاس پەن جانار دۇعالوۆا "نۇر وتان" پارتياسىنىڭ اتىنان ماجىلىسكە وتپەي قالعان بولاتىن.