قىتايدىڭ كوممۋنيستىك پارتياسى «نۇر وتاندى» سايلاۋداعى جەڭىسىمەن قۇتتىقتادى
دەپ جازادى رەسپۋبليكالىق «كازاحستانسكايا پراۆدا» گازەتى.
«قىتاي كوممۋنيستىك پارتياسىنىڭ اتىنان «نۇر وتان» پارتياسىن قازاقستان رەسپۋبليكاسىنىڭ التىنشى پارلامەنتتىك سايلاۋىنداعى جەڭىسىمەن قۇتتىقتايمىز! ق ر پرەزيدەنتى نۇرسۇلتان نازاربايەۆتىڭ باسشىلىعىمەن «نۇر وتان» پارتياسى قازاقستاننىڭ الەۋمەتتىك- ەكونوميكالىق دامۋىنا جانە قازاقستان حالقىنىڭ جاعدايىن جاقسارتۋعا ۇلەس قوسىپ، ەلدىڭ ساياسي، ەكونوميكالىق جانە الەۋمەتتىك دامۋىندا باعىت بەرەتىن ماڭىزدى رولگە يە بولدى. «نۇر وتان» پارتياسى ءوز ميسسياسىن اقتاپ، قازاقستاننىڭ الەۋمەتتىك- ەكونوميكالىق ءوسۋىنىڭ بارلىق ستراتەگيالىق ماقساتتارىن ورىندايتىنىنا سەنەمىز»، - دەلىنگەن قۇتتىقتاۋدا.
ق ح ر پارتياسى قىتاي مەن قازاقستان اراسىنداعى ستراتەگيالىق سەرىكتەستىك قاتىناستار دامىپ، ال ساياسي سەنىم مەن بارلىق باعىتتاعى ىنتىماقتاستىق نىعايىپ كەلە جاتقانىن اتاپ ءوتتى. سونىمەن قاتار قىتاي كوممۋنيستىك پارتياسى مەن «نۇر وتان» پارتياسى اراسىنداعى دوستىق پەن بايلانىس نىعايۋدا ەكەندىگىن جەتكىزدى.
«نۇر وتان» پارتياسىمەن قالىپتاسقان دوستىق قاتىناستى باعالايمىز جانە ونىمەن بىرلەسىپ ەكى جاقتى قاتىناستىڭ دامۋىنا ۇلەس قوسۋعا دايىنبىز. قازاقستان رەسپۋبليكاسىنا كۇش- قۋات، بايلىق، وركەندەۋ، ال حالقىنا باقىت پەن بەرەكە تىلەيمىز! قىتاي كوممۋنيستىك پارتياسى مەن «نۇر وتان» پارتياسى اراسىنداعى دوستىق پەن ىنتىماقتاستىق كۇشەيە بەرسىن!» - دەلىنگەن حابارلامادا.
