تۋعان ايى بويىنشا قىزداردىڭ مىنەزىن تانۋعا بولادى

استانا. قازاقپارات - تۋعان ايى بويىنشا قىزداردىڭ مىنەزىن تانۋعا بولادى مىنەز-قۇلىق قانمەن تاراپ، تۇقىم ارقىلى بەرىلەدى.

ارينە، ودان كەيىن بارلىعى تاربيەدەن باستاۋ الاتىنى دا راس. دەگەنمەن، كەڭىنەن ەتەك جايعان استرولوگيا عىلىمى ادامنىڭ مىنەزىن تانۋعا مۇمكىندىك بەرەدى.

قاڭتار

بۇل ەڭ سابىرلى جانە ءتوزىمدى جاندار. سونداي-اق ولار ەرلەرگە ءتان ءور مىنەزدى كەلەدى. ادەتتە، ولار بىرەۋگە شاعىمدانىپ، ىشىندەگى سىرىمەن بولىسۋگە جوق. ءوز ماسەلەلەرىن وزدەرى شەشكەندى ءجون سانايدى. قاڭتار ايىندا تۋىلعان قىز-كەلىنشەكتەر اس ۇيدە وتە شەبەر كەلەدى، ءبىراق تازالىقپەن اينالىسۋدى ۇناتپايدى.

اقپان

بۇل ايدا تۋىلعاندار ايتقاندارىنان قايتپايتىن، بىربەتكەي، اۋىر مىنەزدى جاندار. ولاردىڭ جۇيكەلەرى ءجيى سىر بەرەدى، دەسە دە وزدەرىن ءاردايىم باقىلاۋدا ۇستايدى. ولار ەشقاشان قيىندىقتان قورىقپايدى جانە شەشىمدى جىلدام قابىلدايدى. دەسە دە، كوپ جاعدايدا ءمۇلت كەتىپ جاتادى. اقپان ايىندا دۇنيەگە كەلگەندەردىڭ ىشىندە كەكشىلدەرى دە جوق ەمەس. ادامداردى وڭاي باسقارا الادى. سوندىقتان دا قىزمەتتە تەز وسۋگە قابىلەتتى. بالالاردى قاتتى جاقسى كورەدى.

ناۋرىز

وتە سەزىمتال قىز-كەلىنشەكتەر ءدال ناۋرىز ايىندا دۇنيەگە كەلەتىن كورىنەدى. ولار وزدەرىن باقىتسىزبىن دەپ سانايدى ەكەن. ۇياڭدىقتارىنان ولار قانداي دا ءبىر تابىسقا جەتۋ جولىندا كوپ قيىندىقتى باستان وتكەرەدى. تابيعات ولارعا نازىكتىك پەن سۇلۋلىقتى مولىنان بەرگەن. سوندىقتان دا ولار وزدەرىنە قورعان بولار ەر ازاماتتاردى ەش قيىندىقسىز جولىقتىرادى.

ءساۋىر

ولار الدىنا ماقسات قويا بىلەتىن، باتىل ءارى ايتقانىنان قايتپايتىن قىزدار. ولاردىڭ ويلارى جۇيرىك. ولار وزدەرىنە نە قاجەت ەكەنىن ءاردايىم جاقسى بىلەدى. تۇراقسىزدىقتى جاندارى سۇيمەيدى. ولار ءۇشىن سەزىم مەن ەموتسيا ءاردايىم سانا، اقىل-ويدان كەيىن تۇرادى.

مامىر

بيلىكقۇمار جانە تالاپشىل، وزدەرىنە كەرەكتى جاقسى بىلەتىن جاندار. وكپە-رەنىشتى كەشىرە بىلمەيدى. سوندىقتان سوزگە كەلگەن ادامىمەن بەت كورىسپەي كەتۋى ابدەن مۇمكىن. دەسە دە، كەيىن سول قىلىعىنا ۇيالىپ، ءتىپتى وكىنىپ تە جاتادى. ولار بىربەتكەي، باسقارۋشىلىق قابىلەتتەرى جاقسى دامىعان جاندار. سوندىقتان ولار ءۇشىن كۇيەۋ تابۋدان گورى، باستىقتىڭ كابينەتىندە ءوز ورنىن تابۋ الدەقايدا وڭاي.

ماۋسىم

ولار ءار قادامدارىن اڭدىپ باسادى. وتە سەزىمتال جاندار. سونداي-اق مەيىرىمدى جانە سوندىقتان دا ەشكىمگە كەك ساقتاپ، وكپە-رەنىش ارقالامايدى. ءسوز تالاستىرۋدى، ايقاي-شۋدى ۇناتپايدى. وندايدان ءاردايىم اۋلاق بولۋعا ىشكى تۇيسىكتەرى جاقسى كومەكتەسەدى.

شىلدە

بۇل ايدا ناعىز ۇيالشاق، ۇياڭ جاندار ومىرگە كەلەتىن كورىنەدى. ولار جوقتىڭ بارىنە الاڭداپ، ۋايىمداپ، ءار قادامىن قاداعالاپ جۇرەدى. رومانتيكاعا بەرىلگەن جاندار، سونداي-اق بىرەۋ ءۇشىن قاتتى ۋايىمداپ، جۇرتتىڭ قايعىسىنىڭ تەرەڭىنە سۇڭگىپ كەتەدى. الايدا مۇنىسىن ەشكىمگە كورسەتپەۋگە تىرىسادى. شىلدە ايىندا تۋىلعان قىز-كەلىنشەكتەر ءۇشىن ءبىرىنشى ورىندا ءۇيى مەن وتباسى تۇرادى.

تامىز

تاكاپپار قىزدار. سونداي-اق ولار مەيىرىمدى، قايىرىمدى دا كەلەدى. دەسە دە، تابيعاتىنان كوشباسشى، بيلىكقۇمار. كوپشىلىكتىڭ نازارىندا بولعاندى قالايدى. ەركىن، ەشكىمگە تاۋەلسىز. ەركەكتەردى وزىنە تارتا بىلەتىن قاسيەتىنە قاراماستان، ءاردايىم وتباسىن ءبىرىنشى ورىنعا قويادى. وتە شىنشىل جاندار، ءبىراق ەلگە كوپ الدانادى.

قىركۇيەك

ەموتسياعا بەرىلگىشتىكتەرىنە قاراماستان ولار الدىنا ماقسات قويا بىلەتىن جانە ۇنەمشىل جاندار. ساراڭدىقتارى دا جوق ەمەس. كوپتىڭ ىشىندە بولعاندى ۇناتادى، دەسە دە ءاردايىم ءوز پايدالارىن ويلاپ تۇرادى. قىزعانشاق، ال وزدەرى ەركىندىكتى سۇيەدى. كوپشىلىگى تازالىقتى ءبىرىنشى ورىنعا قويادى، تاعامدى وتە ءدامدى دايىندايدى.

قازان

ويى جۇيرىك جاندار، جۇرەكتەرى كەڭ. كەز كەلگەن شەشىمگە كەلمەس بۇرىن جان-جاقتى ويلانىپ الادى. ەستە ساقتاۋ قابىلەتى جاقسى دامىعان. ولار ساتقىندىقتى كەشىرمەيدى. وتباسىندا وزدەرىن كوشباسشى سانايدى. شارۋاعا وتە ەپتى كەلەدى.

قاراشا

وتە ۇنەمشىل، وزدەرىن قاتتى جاقسى كورەدى جانە ەگويستتەر. سوندىقتان قاراشا ايىندا تۋعان قىز-كەلىنشەكتەردىڭ ەكىنشى جارتىلارى وزدەرىنىڭ پىكىرى كوپ جاعدايدا تاسادا قالاتىنىنا كونگەندەرى ءجون. شىن، وتە قاتتى ءسۇيۋدىڭ، عاشىق بولۋدىڭ نە ەكەنىن بىلەتىن جانە سولاي سۇيە الاتىن جاندار.

جەلتوقسان

ەموتسياعا بەرىلگىش جانە شالت مىنەزدى. ايتقاندارىنان قايتپايدى جانە قورقۋدى بىلمەيدى، تىك، وزدەرىن ەركىن ۇستايدى. ولار كەز كەلگەن كەدەرگىنى باعىندىرىپ، تابىسقا جەتە بىلەدى. اڭگىمەگە جاقىن، كەز كەلگەندى سوزگە تارتا بىلەدى. رومانتيكاعا بەرىلگىش، جاقسى قۇربى بولا الادى. شالت مىنەزىمەن وتباسىلىق ومىردە كوپ قيىندىققا تاپ بولۋى مۇمكىن.

اۋدارعان: قۇرالاي مۇرات قىزى

Baq.kz