ۋكراينادا عالامتور تۇرمەدەگىلەر ءۇشىن دە قولجەتىمدى بولماق

استانا. قازاقپارات - ۋكراينالىق جازاسىن وتەۋشىلەرگە عالامتور جەلىسىن پايدالانۋعا رۇقسات بەرىلۋى مۇمكىن.

ءتيىستى زاڭنامالىق قۇجات قازىر جوعارعى رادانىڭ قاراۋىندا جاتىر. وعان سايكەس، سوتتالعاندار ۆەب- سايتتاردا جاريالانعان اقپاراتتارمەن تانىسا الادى. ءبىراق بۇنى تۇزەۋ مەكەمەسىنىڭ اكىمشىلىگى قاتاڭ قاداعالاپ وتىرماق. تەمىر تورعا توعىتىلعاندارعا ەلەكتروندىق پوشتا اشۋعا، حات جازىپ جىبەرۋگە، پىكىر قالدىرۋعا، الەۋمەتتىك جەلىلەرگە كىرۋگە، ونلاين-ويىندار ويناۋعا تىيىم سالىنادى. پارلامەنت وتىرىسىندا 238 دەپۋتات بۇل زاڭ جوباسىن العاشقى وقىلىمدا ماقۇلدادى.

www.24.kz