ب. ساعىنتايەۆ ماسكەۋدە ەۋرازيالىق ەكونوميكالىق كوميسسيا كەڭەسىنىڭ وتىرىسىنا قاتىستى
بۇل تۋرالى ق ر پرەمەر- ءمينيسترىنىڭ باسپا ءسوز قىزمەتىنەن حابارلادى.
وتىرىستا قارالعان ماسەلەلەردىڭ ەداۋىر بولىگى ق ر پرەزيدەنتى ن. نازاربايەۆتىڭ ە ا ە و ورگاندارىندا قازاقستاننىڭ ءتوراعالىق ەتۋى اياسىندا ەۋرازيالىق ەكونوميكالىق وداققا مۇشە مەملەكەتتەر باسشىلارىنا ۇندەۋىندە ايتىلعان باستامالارعا سايكەس كەلەدى.
ە ە ك كەڭەسىنىڭ مۇشەلەرى ە ا ە و نارىعىنداعى توسقاۋىلداردى، الىمدار مەن وزگە دە شەكتەۋلەردى جويۋ ماسەلەلەرىن تالقىلادى، قولدانىستاعى شەكتەۋلەردىڭ ەلەكتروندىق دەرەكقورىن قۇرۋ تۋرالى ۋاعدالاستىققا قول جەتكىزىلدى. كەلەشەكتە وداق مەملەكەتتەرىنىڭ بيزنەس- قاۋىمداستىعى ونلاين رەجىمىندە توسقاۋىلداردى جويۋ بويىنشا جۇمىستار بارىسىمەن تانىسۋ مۇمكىندىگىنە يە بولادى.
وتىرىس قاتىسۋشىلارى كەلەشەكتە ونەركاسىپ سالاسىنداعى ەۋرازيالىق تەحنولوگيالىق پلاتفورما قۇرۋ مۇمكىندىگىن تالقىلادى، بۇل مەملەكەتتەردىڭ بار يننوۆاتسيالىق الەۋەتىن ءتيىمدى پايدالانۋعا، ءوزارا ءتيىمدى ونەركاسىپتىك كووپەراتسيا ءۇشىن نەگىزدەر قامتاماسىز ەتۋگە ىقپال ەتەدى.
