تۇركيا پرەزيدەنتى: «لاڭكەستىك» ۇعىمىنىڭ اياسىن كەڭەيتۋ قاجەت

استانا. قازاقپارات - تۇركيا پرەزيدەنتى رەدجەپ تايىپ ەردوعان «تەرروريزم» تەرمينى ۇعىمىنىڭ اياسىن كەڭەيتۋ قاجەتتىگىن ايتتى.

ول تەررورلىق اكتىنى ورىنداۋشى جانە وعان دەم بەرۋشى ەمەس، جالپى وسى ارەكەتكە قولداۋ تانىتقاننىڭ بارلىعىن «لاڭكەس» دەپ تانۋ قاجەتتىگىن ايتتى، دەپ حابارلايدى  BBC  اگەنتتىگى.

ەردوعاننىڭ ايتۋىنشا، قولىندا قارۋى، جارىلعىشى بار لاڭكەستەن وعان جاعداي جاساپ نەمەسە قالاممەن جاقتاسقاننىڭ دا ايىرماشىلىعى جوق.

- ول جۋرناليست تە، زاڭ شىعارۋشى دا، ءتۇرلى قوعام بەلسەندىسى دە بولۋى مۇمكىن، - دەدى تۇركيا پرەزيدەنتى.

جەكسەنبى كۇنى انكارا قالاسىندا جارىلىس بولىپ، 37 ادام قازا تاپتى، 125 ادام جارالاندى.