ءولىم جازاسىن الىپ تاستاۋ ماسەلەسى تالقىعا ءتۇستى
ەستەرىڭىزدە بولسا، 15- اقپاندا ەۋرووداق بەلارۋس مەملەكەتىنە قاتىستى سانكسيالاردىڭ بارىنە شەكتەۋ قويعان ەدى. جاڭا تالاپ بويىنشا ەندى ولار ءولىم جازاسىنا موراتوري جاريالاۋى ءتيىس. ءبىراق ەل بيلىگى شەشىم قابىلداۋعا اسىعار ەمەس. ەندى ول ماسەلە رەفەرەندۋم ارقىلى شەشىلۋى مۇمكىن دەگەن دە بولجام بار.
1990-جىلدان بەرى بۇل مەملەكەتتە 400 دەن استام ادام ءولىم جازاسىنا كەسىلگەن. قازىر ءدال وسىنداي ۇكىمدى 4 تۇتقىن كۇتىپ وتىر.
«قوعامدا بۇل ماسەلە قازىر ەڭ ءجيى تالقىلاناتىن تاقىرىپقا اينالعان. ەۋروپا تاراپى ءوز تالابىن ايتتى. دەگەنمەن، نۇكتەنى قوياتىن حالىق. ءولىم جازاسىن قالدىرامىز با، الدە موراتوري جاريالايمىز با؟ پىكىرلەر ەكىگە جارىلارى ءسوزسىز. ءبىز، ساياساتكەرلەردىڭ دە، حالىقتىڭ دا پىكىرىنە قۇلاق اسىپ، تارازىلاۋعا ءتيىسپىز»، - دەيدى بەلارۋس رەسپۋبليكاسى سىرتقى ىستەر ءمينيسترىنىڭ ورىنباسارى ۆالەنتين رىباكوۆ.
