انكارادا تاتتىمبەت ساياباعى اشىلدى
اشىلۋ سالتاناتىنا قوس ەلدىڭ زيالى قاۋىم وكىلدەرى، جەرگىلىكتى قازاق دياسپوراسى، اۋدان تۇرعىندارى مەن تاتتىمبەتتىڭ ۇرپاقتارى - داستان قۇدابايەۆ پەن ءمۇسىلىم جاعىپپاروۆتار ارنايى كەلىپ قاتىستى. دارىندى تۇلعانىڭ ءومىربايانى مەن شىعارماشىلىعى كەڭىنەن ناسيحاتتالىپ، كوپشىلىك قاۋىمعا تاتتىمبەت اتىنداعى اكادەميالىق ۇلت اسپاپتار وركەسترىنىڭ مەرەكەلىك كونسەرتى بەرىلدى.
اتاپ ءوتۋ كەرەك، 2011 -جىلى انكارانىڭ ەتيمەسگۋت اۋدانىندا حالقىمىزدىڭ بەلگىلى كۇيشىسى دينا نۇرپەيىسوۆاعا ارنالعان ساياباق اشىلعان بولاتىن. تاتتىمبەت قازانعاپ ۇلىنىڭ 200 جىلدىعىنا ارنالعان مادەني شارالار تۇركيانىڭ ەسكيشەحير، اماسيا جانە بولۋ قالالارىندا جالعاسىن تاپپاق. جاندوس ابىشەۆ، قاراعاندى وبلىسى اكىمىنىڭ ورىنباسارى:
- بۇل بيىل بىزگە ەرەكشە جىل بولىپ جاتىر. بيىل قازاقستان تاۋەلسىزدىگىنە 25 جىل. سونىمەن قاتار تۇرىك جەرىندە بابامىز تاتتىمبەت قازانعاپ ۇلىنىڭ ساياباعىن اشىپ جاتىرمىز. ەندى جەرگىلىكتى مەكەمەلەرمەن اقىلداسىپ، بابامىزعا ءمۇسىن قويۋ جوسپارىمىزدا بار.
www.24.kz
