قازاقستاندىق ارميا وتاندىق ءوندىرىستىڭ شتابتىق ماشينالارىمەن تولىقتىرىلۋدا - فوتو
ونىڭ ىشىندە وتكەن جىلى كاسىپورىن قازاقستاندىق ارميانى وسىنداي ماشينالار مەن تىركەمەلەردىڭ 10 بىرلىگىمەن قامتاماسىز ەتتى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
بۇل ماشينالار ارنايى جابدىقتى ورنالاستىرۋ، تاسىمالداۋ، ىسكە قوسۋ جانە پايدالانۋ، جەردە ورنالاستىرۋ جانە جۇمىستى قامتاماسىز ەتۋ مەن دالالىق جاعدايلاردا كوماندالىق قۇرام لاۋازىمدى ادامدارىنىڭ تۇرۋى ءۇشىن ارنالعان.
2016 -جىلى زاۋىت تىركەمەسى بار جاڭعىرتىلعان شتابتىق ماشينالاردى قۇراستىرۋ بويىنشا جوبانى ىسكە اسىرۋدى جوسپارلاپ وتىر.
كاسىپورىن تەحنيكالىق ەرەكشەلىك جوباسىن ازىرلەپ قويدى. قازىرگى كەزدە اتالمىش جوبا قازاقستان رەسپۋبليكاسىنىڭ قورعانىس مينيسترلىگىندە قارالۋدا.
جالپى العاندا، 2005-2015 -جىلدار ىشىندە «كاماز ينجينيرينگ» اكسيونەرلىك قوعامىنىڭ الاڭىندا، ونىڭ ىشىندە قازاقستان رەسپۋبليكاسى قورعانىس ۆەدومستۆوسىنىڭ مۇقتاجدىعى ءۇشىن ءارتۇرلى ارنايى تەحنيكالار يگەرىلدى. بارلىق دەرلىك، زاۋىتتىڭ وندىرەتىن ءونىمى رەسپۋبليكانىڭ ىشكى نارىعىندا ىسكە اسىرىلادى.
«كاماز ينجينيرينگ» ا ق - جۇك ماشينالارىن، ساموسۆالدار مەن كاماز شاسسيىندەگى ارنايى تەحنيكانى قۇراستىرۋ بويىنشا كوكشەتاۋداعى ءىرى بىرلەسكەن قازاقستاندىق- رەسەيلىك كاسىپورىن ەكەنىن ايتا كەتەيىك.
