شىمكەنتتە ەڭ تارتىمدى سالالارعا ينۆەستيتسيالار تارتۋ باستى نازاردا - قالا اكىمى
وسىعان وراي، مەملەكەت باسشىسى جانە وبلىس اكىمدىگى تاراپىنان قويىلعان مىندەتتەردى ىسكە اسىرۋ ماقساتىنا شىمكەنت قالاسىنىڭ 2020 -جىلعا دەيىنگى الەۋمەتتىك- ەكونوميكالىق دامۋ تۇجىرىمداماسى دايىندالدى، دەدى بۇگىن وبلىس اكىمدىگى جانىنداعى ورتالىق كوممۋنيكاتسيالار قىزمەتىندە شىمكەنت قالاسىنىڭ اكىمى عابيدوللا ءابدىراحىموۆ.
قازىرگى تاڭدا وزەكتى تاقىرىپ رەتىندە قالا اۋماعىنا قوسىلعان ەلدى مەكەن تۇرعىندارىن تولعاندىراتىن اۋىز سۋ، ەلەكتر، گازبەن قامتۋ، جول ماسەلەلەرىن شەشۋ تۋرالى جوسپار ازىرلەنىپ، جۇيەلى جۇمىس جۇرگىزىلۋدە. وسىنىڭ دالەلى رەتىندە 2016 -جىلى 8 ەلدى مەكەنگە اۋىز سۋ، 5 ەلدى مەكەنگە كارىز، 5 ەلدى مەكەنگە ەلەكتر، 2 ەلدى مەكەنگە گاز تارتىلادى. ناتيجەسىندە، اۋىز سۋمەن قامتۋ 85 پايىزدان 88 پايىزعا، كارىز 41 تەن 47 پايىزعا كوتەرىلسە، ەلەكترمەن قامتۋ كورەتكىشى 86 دان 88 پايىزعا، وتىندىق گاز تارتۋ پايىزى 67 دان 69 پايىزعا ۇلعايادى.
مۇنان تىس شاھاردا جارىقتاندىرۋ، اباتتاندىرۋ، ترانسپورت سالاسى بويىنشا دا جۇيەلى جوسپارلار جاسالىنۋدا. ماسەلەن، تۇرعىن ءۇي قۇرىلىسىن دامىتۋ ءۇشىن از ۋاقىت ىشىندە 1260 پاتەرلى 19 تۇرعىن ءۇي پايدالانۋعا بەرىلەدى. تاعى ءبىر ايتا كەتەرلىگى، قالا مەكتەپتەرىندە وقۋشىلار ءۇشىن ەلەكتروندى باقىلاۋ جۇيەسى ورناتىلۋدا. بيىل ونەركاسىپ سالاسىندا 29 جوبانى ىسكە اسىرىپ، 30 مىڭنان استام جاڭا جۇمىس ورىندارىن اشۋ جوسپارلاندى. ودان بولەك، ينۆەستورلاردى ىنتالاندىرۋ ماقساتىندا تاسساي جانە جۇلدىز ەلدى مەكەندەرىنەن 2 يندۋستريالدى ايماق قۇرىلماق.
ەلدەگى ءۇشىنشى ءىرى قالاعا اينالۋ ءۇشىن قالامىزداعى ەڭ تارتىمدى سالالارعا ينۆەستيتسيالار تارتۋ باستى نازاردا. بۇل باعىتتا وتاندىق جانە شەتەل ينۆەستورلارىن تارتۋ ءۇشىن كەمىندە جىلىنا 20 جوبانى ىسكە اسىرۋ كوزدەلۋدە. بيىل «Shymkent PLAZA» ساۋدا كەشەنى اشىلماق.
شىمكەنت - جىلىجايلار وتانى. وسى مۇمىندىكتى پايدالانا وتىرىپ، ەندىگى جەردە تاماق ونەركاسىبىن ۇيىمداستىرۋعا قالا اۋماعىنان ارنايى
136 گەكتار جەر تەلىمىن بەرۋ جوسپارلانۋدا. ودان بولەك، جالپى 1100 گەكتار جەرگە كوكونىس جانە باقشا، جىلىجاي، ءوسىرۋ سەكتسياسى ۇيىمداستىرىلماق. بۇل جەرلەرگە قىزىعۋشىلىق تانىتقان كاسىپكەرلەر بولسا، جەرگىلىكتى اكىمدىك تاراپىنان قولداۋ كورسەتىلەدى.
