04:15, 10 - ناۋرىز 2016 | GMT +5
عالىمدار ارتىق سالماقتان ارىلۋدىڭ تاعى ءبىر جولىن كورسەتتى
استانا. قازاقپارات - حيۋستون ۋنيۆەرسيتەتىنىڭ، بەيلور مەديتسينالىق كوللەدجىنىڭ جانە تەحاس ۋنيۆەرسيتەتىنىڭ ماماندارى اپتاسىنا ءتورت رەت جەرجاڭعاق مايىن (اراحيس) نەمەسە جەرجاڭعاقتى پايدالانۋعا كەڭەس بەرەدى.
عالىمداردىڭ سوزدەرىنە قاراعاندا، بۇل ارتىق سالماقتان قورعايدى، دەپ جازدى Zee News.
12 اپتاعا سوزىلعان زەرتتەۋگە 257 جەتكىنشەك قاتىستى. ەرىكتىلەردىڭ شامامەن جارتىسى اپتاسىنا ءۇش- ءتورت رەت جەرجاڭعاق نەمەسە جەرجاڭعاق مايىن پايدالاندى. قالعاندارىنا اپتاسىنا ءبىر رەتتەن كەم بەرگەن. قاتىسۋشىلار 12 اپتا بويى وسىلايشا جەرجاڭعاقتى پايدالاندى.
زەرتتەۋ كورسەتكەندەي، ۇنەمى جەرجاڭعاق مايى نەمەسە جەرجاڭعاقتى پايدالانعان جەتكىنشەكتەردىڭ دەنە ماسساسىنىڭ يندەكسى 24 اپتادان سوڭ ونى سيرەك تۇتىنعاندارمەن سالىستىرعاندا تومەندەگەن. وسىلايشا، عالىمدار وقۋشىلارعا جەرجاڭعاق مايى نەمەسە جەرجاڭعاقتى پايدالانۋعا كەڭەس بەرەدى.
