سولتۇستىك كورەيا قارسىلاستارىن يادرولىق سوققى بەرەمىز دەپ قورقىتۋدا

استانا. قازاقپارات - سولتۇستىك كورەيا ا ق ش پەن وڭتۇستىك كورەياعا يادرولىق سوققى بەرەمىز دەپ قورقىتتى.

پحەنيان قاۋىپسىزدىگىنە قاتەر تونگەن جاعدايدا وسىنداي سۇراپىل قادامعا باراتىنىن مالىمدەگەن.

بۇل تۋرالى 24- ارنا حابارلايدى.

ءتورتىنشى ناۋرىزدا كوممۋنيستىك ەلدىڭ باسشىسى كيم چەن ىن جاپپاي قىرىپ-جوياتىن قارۋلار كەز كەلگەن ۋاقىتتا قولدانۋعا دايىن تۇرسىن دەگەن بۇيرىق بەرگەن ەدى. ال وڭتۇستىك كورەيا مەن ا ق ش جاقىن ارادا ءوزارا ىنتىماقتاستىق تاريحىنداعى ەڭ ءىرى بىرلەسكەن اسكەري وقۋ-جاتتىعۋلارىن باستاعالى جاتىر.

بۇل وپەراتسيانىڭ ماقساتى سولتۇستىك كورەياعا قىر كورسەتۋ ەكەنى انىق. شاراعا 15 مىڭنان استام امەريكالىق سارباز بەن 300 مىڭ وڭتۇستىك كورەيالىق جاۋىنگەر قاتىسادى دەپ كۇتىلۋدە.

كورەيا تۇبەگىندەگى جاعدايدىڭ ۋشىعىپ بارا جاتقانىنان 3 ايدىڭ ءجۇزى بولدى. بارلىعى 6- قاڭتاردا پحەنيان سۋتەگى بومباسىن ءساتتى سىناعانىن جاريالانعان كەزدەن باستالدى.