ماڭگىلىك ەل پويىزى بالقاشتا بولدى - فوتو
ارنايى پويىزدى قالا حالقى 17 - اقپان كۇنى ۆوكزالدان كۇتىپ الدى. قارسى الۋعا بالقاش اكىمى الەكساندر اگليۋلين قاتىستى. كەزدەسۋدە ءسوز العان «ماڭگىلىك ەل» پويىزىنىڭ جەتەكشىسى، ق ح ا كەڭەسىنىڭ مۇشەسى ءامىلجان الپەيىسوۆ جوبانىڭ ماقسات، مىندەتىن ايتىپ بەردى.
قوناقتاردى قارسى الۋ راسىمىنەن كەيىن پويىز قۇرامىنداعى ماماندار مەن ساراپشىلار تۇرعىندارمەن كەزدەسىپ، ءتۇرلى ماسەلەلەر بويىنشا كەڭەس بەردى. مەديتسينا قىزمەتكەرلەرى قالا تۇرعىندارىن ەمحانا مەن بالالار اۋرۋحاناسىندا قابىلدادى. سونىمەن قاتار، بۇل كۇنى قوعامدىق قابىلداۋ جۇمىس ىستەدى.
«قالالىق تاريحي- ولكەتانۋ مۇراجايىندا ءا. بوكەيحانوۆتىڭ 150 جىلدىعىنا ارنالعان ارداگەرلەر مەن جاستاردىڭ كەزدەسۋى ءوتتى. پويىز وكىلدەرى № 15 مەكتەپ- ليتسەيىندە ۇيىمداستىرىلعان پەداگوگتار سلەتىنە قاتىستى. ول ى. التىنساريننىڭ 175 جىلدىعىنا ارنالدى» ، - دەدى ىشكى ساياسات بولىمىنەن.
م. حامزين اتىنداعى مادەنيەت ءۇيى بالقاشتىڭ ەتنومادەني بىرلەستىكتەرىنىڭ تانىستىرىلىمىن وتكىزىپ، سوڭىنان جەرگىلىكتى ونەرپازداردىڭ كونسەرتتىك باعدارلاماسى ۇسىنىلدى.
ەسكە سالا كەتەيىك، «ماڭگىلىك ەل» پويىزى 15 - اقپان كۇنى استانادان اتتاندى. ول ق ر تاۋەلسىزدىگىنىڭ 25 جىلدىعىنا ارنالدى. پويىز قۇرامىندا ءتۇرلى ۆەدومستۆولاردىڭ ماماندارى مەن ساراپشىلارى بار. ولار قازاقستاندىقتارعا بەس ينستيتۋتسيونالدىق رەفورمانىڭ جۇزەگە اسۋىن تۇسىندىرەدى. پويىز قازاقستاننىڭ 33 ەلدى مەكەنىنە بارماق.
