ادامنىڭ پسيحيكاسىن بۇزاتىن ماماندىقتار ءتىزىمى انىقتالدى
ادامنىڭ ماماندىعى ءبىرشاما ۋاقىت وتكەننەن كەيىن (نەگىزى 5-6 جىلدان سوڭ) ونىڭ بويىنا ءىزىن قالدىرا باستايدى.
ءىزىن قالدىرۋعا يكەمدى ءارى مىنەز وزگەرىسىنە اكەلىپ سوعاتىن ماماندىقتار ءتىزىمىن baq.kz جاريالادى.
زاڭگەر
بۇل ماماندىقتى كوپ جاعدايدى كۇدىكشىل ءارى كەز كەلگەن نارسەگە ۇقىپتىلىقپەن قارايتىن ادامدار تاڭدايدى. ۋاقىت وتە بۇل قاسيەتتەر «قاراپايىم» ادامداردى قاعاجىتۋعا اكەلىپ سوعىپ، ابسۋردقا دەيىن بارادى. سەبەبى زاڭگەرلەر جەكە قارىم قاتىناستاردان دا كەمشىلىكتەر ىزدەي باستايدى. گيپەر اقپارات تانۋ زاڭگەرلەردى «بوتانيككە» اينالدىرىپ جىبەرۋى مۇمكىن.
ەسەپشى
«ەسەپشى - دياگنوز» دەگەن ءازىل سىزگە تانىس بولار. شىنىمەن دە بۇل ماماندىق يەلەرى وزدەرىنىڭ اسقان ىسكەر رولىنە ەنىپ الىپ، ءتىپتى ءوز ومىرلەرى مەن سەزىمدەرىن ساندارعا ايىرباستاپ الادى. ەسەپشىلەر ءبارىن ناقتى، دۇرىس جاساۋعا ۇيرەنگەن. ال ەكسترەمالدىق جاعداي مەن ەكسپەريمەنت، نە بولماسا جاڭا دۇنيەلەر ولارعا ساقتانۋعا، قورقىنىشقا بەيىم ەكەندىگىن كورسەتەدى. ءبىراز ۋاقىتتان سوڭ ەسەپشىلەر قىڭقىلداق، ەزبەلىككە بەيىمدەلەدى. ال مۇنداي قاۋىپتەن ساقتانۋ ءۇشىن ولار قاعازدارىن تاستاپ، اينالاسىنداعى ادامدارمەن ارالاسىپ، قارىم قاتىناسقا تۇسكەنى دۇرىس. ايتپەسە ن. ۆ. گوگولدىڭ «شينەل» پوۆەسىندەگى ەكىنشى اكاكي باشماچكينگە اينالماسىنا كەپىلدىك جوق.
دارىگەر
دارىگەرلەر ءوز تاجىريبەسىندە جازىلۋى قيىن اۋرۋلار مەن قايعى جانە ولىممەن كەزىگەتىنى بەلگىلى. سول سەبەپتى دە بۇل ماماندىق پسيحيكانى بۇزۋعا بەيىم ماماندىقتاردىڭ ءبىرى بولىپ ەسەپتەلەدى. دارىگەر ءوز ەمدەلۋشىسى ءۇشىن ۇلكەن جاۋاپكەرشىلىك الادى. كوپ جاعدايدا دارىگەرلەردىڭ سينيزمى، بارىنە سەلقوس قاراۋشىلىق، ەموتسيونالدى جابىق بولۋى ولاردىڭ كورىپ جۇرگەن قايعى- قاسىرەتتەردەن، سترەسستەردەن ساقتانۋى ءۇشىن پيسحولوگيالىق تۇرعىدان جابىق بولۋىمەن تۇسىندىرىلەدى.
اسكەري قىزمەتكەر
اسكەري قىزمەتكەرلەر قاتال ءتارتىپتىڭ ادامى ەكەنى بارشامىزعا ءمالىم. ولار كوپ جاعدايدا وتباسى مۇشەلەرىن دە «ساپقا تىك تۇرعىزىپ»، وتباسىداعى ديكتاتورعا اينالىپ جاتادى. پسيحولوگتاردىڭ ايتۋىنشا، اسكەري قىزمەتكەرلەر ۋاقىت وتە ءوز مىنەزىنىڭ دەفورماتسيالانىپ، ءتارتىپتىڭ قۇلىنا اينالادى. ال مىنەز دەفورماتسياعا تۇسكەن جاعدايدا ونى قالىپقا كەلتىرۋ وتە قيىن. وفيتسەر - بۇل ءومىر كەيپى.
جۋرناليست
جۋرناليست ماماندىعىن تاڭداعان جاندار تابيعاتىنان قاراپايىم ءارى تۇيىق. كەز كەلگەن ىستە ولار كولەڭكەدە قالعاندى دۇرىس كورەدى (ول بۇل وقيعادا باستى كەيىپكەر، ال مەن ءجاي سۇحبات الىپ تۇرمىن). سونداي- اق ولار قىزىققۇمار كەلەدى. ارينە، جۋرناليستيكا تاجىريبەسىن جىلدان جىلعا ارتتىرىپ كەلەدى، دەگەنمەن، قورىتىندىسى ءارقاشان جاقسى بولا بەرمەيدى. ماماندىقتى يەلەنگەن جان ەگوسەنتريزم مەن اشىق وجارلىققا بەيىمدەلە باستايدى. ادام بويىندا ءوزىنىڭ ءومىرىن ءسۇرىپ جاتپاعان سەكىلدى سەزىم پايدا بولىپ، پاتولوگيالىق اۋىتقۋشىلىقتار باستالۋى مۇمكىن.
مۇعالىم
مۇعالىمدەر ءجيى تاكاپپارلىققا ۇرىنادى. مۇعالىمدىكتى ماماندىق ەتۋگە تىرىسقانداردىڭ كوبىنىڭ بويىندا ءوزىن ءوزى وسىرە باعالاۋعا بەيىمدىلىك بايقالادى. ارينە، تۇلعا رەتىندە قالىپتاسىپ ۇلگەرمەگەن بالانىڭ جانىندا باستى رولدەگى، ۇلگى بولارلىق تۇلعا بولۋ وڭاي. كەيدە مۇعالىمنىڭ مەنمەندىگى وتباسىنداعى اۆتوريتتارلىققا دا اكەلىپ سوعادى. مۇعالىمدەرگە وزدەرىن وزگەنىڭ ورنىنا قويا ءبىلۋ كومەكتەسەدى. سونىمەن قوسا، سابىرلى جانە قاراپايىم بولۋعا تىرىسۋ وڭ سەپتىگىن تيگىزەدى.
ساتىلىم جونىندەگى مەنەدجەر
تاۋار ساتۋ، ءوتۋى قيىن بولعاندىقتان بولار، ونى ساتا ءبىلۋ تازا ءبىر ونەر سەكىلدى باعالانادى. تاۋار ساتۋ الدىنداعى ادامدى قۋلىققا، الداۋعا، وتىرىك ايتۋعا ماجبۇرلەيدى. تاجىريبەلى ساتۋشىلار - جىلپوس ادامدار. اتالعان ماماندىقتىڭ تاعى ءبىر كەمشىلىگى ارتىق سوزگە بەيىمدىك جانە جەكە ءومىردى جۇمىسپەن شاتاستىرۋعا اكەلەتىن شەكتەن شىققان ارتيستيزم. بۇل ماماندىق يەلەرىنە جۇمىس تۋرالى كوپ ويلاۋعا بولمايدى.
دەرەككوز: BAQ. KZ
