باكۋ- اقتاۋ باعىتىنداعى جۇك تاسىمالى ءبىر ايدا جىلدىق كورسەتكىشكە جەتتى
بۇل تۋرالى باكۋدە ق ر ينۆەستيتسيالار جانە دامۋ ءمينيسترىنىڭ ءبىرىنشى ورىنباسارى جەڭىس قاسىمبەك ءمالىم ەتتى.
«ەگەر بۇرىن باكۋ- اقتاۋ جانە كەرىسىنشە باعىتتا جىلىنا 1 مىڭ كولىك وتسە، قازىر ءبىر ايدا وسىنشا وتەدى. ءبىز مۇمكىندىگىمىزدى دۇرىس باعالاپ، جۇكتى قابىلداۋ ءۇشىن ءتيىستى جۇمىس ىستەۋىمىز كەرەك. بۇل كولەم ۇلعاياتىنىن كورىپ وتىرمىز»، - دەدى ج. قاسىمبەك.
«نەگىزىنەن مۇنايمەن جانە مەتالمەن جۇمىس ىستەيمىز. باكۋگە كوپ كولەمدە مۇناي جونەلتەمىز، ارى قاراي ترانزيتپەن قارا تەڭىز ارقىلى. قازىر اۆتوموبيل كولىگىمەن تاسىمالداناتىن جۇكتىڭ جاڭا تۇرلەرى پايدا بولىپ جاتىر. ءبىز بۇل باعىتتاعى ازەربايجان ارىپتەستەرىمىزدىڭ تاجىريبەسىمەن بولىسۋگە كەلدىك. ازەربايجاندىق ارىپتەستەردىڭ قالاي جۇمىس ىستەيتىنىن قاراپ، ءبىز قالاي جۇمىس جاسايتىنىمىزدى ايتامىز. بۇل ترانس كاسپي دالىزىنە قوسىمشا جۇك اعىمىن تارتۋدىڭ جاقسى مۇمكىندىگى دەپ سانايمىز»، - دەپ اتاپ ءوتتى ج. قاسىمبەك.
ونىڭ سوزىنە قاراعاندا، ەگەر بۇل باعىت باسەكەگە قابىلەتتى، باعاسى قولجەتىمدى، جەتكىزۋ ۋاقىتى مەن قىزمەت جاقسى بولسا، وندا الداعى ۋاقىتتا دا جۇك اعىمى وسىنداي بولادى.
