عالىمدار شاشتىڭ ءتۇسۋ سەبەبىن تاپتى

استانا. قازاقپارات - جاپونيا، ا ق ش، نيدەرلاندى گەنەتيكتەرى ادامنىڭ قاسقاباستانۋىنىڭ گەنەتيكالىق سەبەپتەرىن تاپتى.

زەرتتەۋ ناتيجەلەرىن اۆتورلار Science جۋرنالىنا جاريالادى.

گەنەتيكتەر ادامداردا (ادەتتە ەرەسەك جاستا) شاشتىڭ ءتۇسۋى شاش تۇيىنشەسىنىڭ ءتىن جاسۋشاسىنىڭ قىزمەتى توقتاۋىمەن بايلانىستى دەگەن تۇجىرىمعا كەلدى.

عالىمدار تىشقانعا تاجىريبە جاسادى. ولاردىڭ اعزاسى ادامدارعا قاراعاندا، ءجۇننىڭ ءتۇسۋىن ءتيىمدى كوتەرە الادى. گەنەتيكتەر تىشقانداردىڭ قارتايۋىن جىلدامداتىپ، وسىلايشا شاشتى جوعالتۋعا اكەلەتىن سەبەپتەردى باقىلاۋعا تىرىستى.

18 ايدا عالىمدار تىشقانداردىڭ تەرىسىنىڭ، تۇكتى بولىكتەرىن باقىلاپ وتىردى. ءتىن جاسۋشانىڭ قىسقارۋىنا بايلانىستى كارىلىك شاشتىڭ ءتۇسىپ، باستىڭ تاقىرلانۋىنا الىپ كەلگەن.

عالىمدار مۇنىڭ سەبەبىن شاشتى جامىلعىنىڭ دەگەنەراتيۆتى وزگەرىسىن ىنتالاندىراتىن د ن ك- نىڭ زاقىمدانۋىنان كورەدى. ماماندار COL17A1 گەنىنىڭ بەلسەندىلىگى شاشتىڭ تاقىرلانۋىنا الىپ كەلەتىنىن انىقتادى.

بۇل گەن جاسۋشالىق جارعاقشا ارقىلى زاتتار تاسىمالداۋدى قامتاماسىز ەتەتىن ترانس جارعاقشالىق اقۋىزداردىڭ ءبىرىن بۇعاتتايدى جانە بۇل گەن ادامنىڭ سىرتقى كەلبەتىنىڭ جەكە ەرەكشەلىكتەرىنە جاۋاپتى.