الەكساندر ماكەدونسكي تۋرالى نە بىلەمىز؟

استانا. قازاقپارات - الەكساندر ماكەدونسكي جەڭبەگەن بىردە- ءبىر جاۋ بولمادى. ول الماعان بىردە- ءبىر قامال بولمادى. ول باعىندىرماعان بىردە- ءبىر قالا بولمادى.

يۋستين، ريم تاريحشىسى

مەنى ۇلى الەكساندر نەسىمەن تاڭعالدىرادى؟ بۇل - ونىڭ ساياسي ينستينكتى. ونىڭ امونعا باس ءيۋى ءمانى تەرەڭ ساياسي ارەكەت بولدى. سول ارقىلى ول ەگيپەتتى جاۋلاپ الدى.

ناپولەون بوناپارت، فرانسيانىڭ مەملەكەت قايراتكەرى

شىعىس حالىقتارىنا الەكساندر جورىقتارىنىڭ شىن ءمانى بەيمالىم بولدى. الەكساندر گرەك مەملەكەتىن تالقانداپ، حالقىن تاۋەلدى ەتكەنىنە، ونىڭ جورىقتارى شىعىس ەلدەرىن ويرانداپ، مادەنيەت قازىنالارىن جويعانىنا شىعىس اقىندارى ءمان بەرە قويمادى. سوندىقتان دا ناعىز الەكساندر تەز ۇمىتىلىپ، اڭىزدار مەن ەرتەگىلەر تۇمانىندا عايىپ بولدى. الەكساندردى ونەگەلى باقارۋشى ەتىپ سۋرەتتەۋ ءداستۇرى قالىپتاستى.

ەۆگەني بەرتەلس، شىعىستانۋشى

الەكساندر ماكەدونسكي - بەلگىسىز جەرلەرگە ماقتانقۇمارلىق پەن قاتىگەزدىك قۋىپ اپارعان، بارلىعىن وزىنە باعىندىرۋعا تىرىسقان باقىتسىز ادام. ايتپەسە، عىلىمدار ارقىلى «ول تۇككە تۇرمايتىن بولىكتەرىن عانا جاۋلاپ العان جەر سونشالىقتى كىشكەنتاي» ەكەنىن ءبىلۋى كەرەك ەدى.

سەنەكا، ريم فيلوسوفى، اقىن

.. .سوسىن قارعىسقا ۇشىراعان جانە لاس زۇلىم رۋح ادامداردىڭ ءوز سەنىمىنە كۇمان كەلتىرۋى ءۇشىن ەگيپەتتە قاراسىن كورسەتكەن الەكساندردى يرانعا ونى قاڭىراتىپ، ۇرەي تۋدىرۋ ءۇشىن جىبەردى. ءدىني كىتاپتاردى، سونىڭ ىشىندە ارنايى دايىندالعان وگىز تەرىلەرىنە التىن ارىپتەرمەن جازىلعان «اۆەستا» مەن «زەندتى» ءدال سول ەگيپەتتىك وڭباعان، كۇناھار، زالىم الەكساندر جيناپ الىپ، ورتەپ جىبەردى.

فەرداۋسي، شىعىس اقىنى

massaget.kz