قازاقستاننىڭ شەت ەلدەردەگى ەلشىلىكتەرىندە ساياسي دوداعا دايىندىق باستالىپ كەتتى

استانا. قازاقپارات - وزگە مەملەكەتتەردە ەڭبەك ەتىپ نەمەسە ءبىلىم الىپ جاتقان قازاقستاندىق ازاماتتار دا كونستيتۋتسيالىق قۇقىقتارىن پايدالانىپ، الداعى پارلامەنت سايلاۋىندا داۋىس بەرە الادى.

قازىرگى ۋاقىتتا قازاقستاننىڭ شەت ەلدەردەگى ەلشىلىكتەرىندە ساياسي دوداعا دايىندىق باستالىپ كەتتى. ماسەلەن اۆسترياداعى ەلشىلىك داۋىس بەرۋگە قۇقىلى ازاماتتاردىڭ ءتىزىمىن جاساۋدا. بۇل جەردە ستۋدەنتتەر مەن ءتۇرلى ماقساتتا جۇرگەن وتانداستارىمىز جانە ۆەناداعى حالىقارالىق مەكەمەلەردە قىزمەت ەتىپ جاتقان ازاماتتارىمىز تاڭداۋ جاساي الادى.

ەلشىلىك وكىلدەرىنىڭ ايتۋىنشا، 20- ناۋرىز كۇنى مۇنداعى ۋچاسكەگە قازاقستاندىق ساياحاتشىلاردىڭ دا كەلىپ، شاراعا قاتىسۋىنا بولادى. ەڭ باستىسى -  قولىندا ءتول قۇجاتى بولۋى شارت.

ۆالەري سيتەنكو، اۆسترياداعى ۋچاسكەلىك سايلاۋ كوميسسياسىنىڭ ءتوراعاسى:

- بۇگىندە اۆستريادا كونسۋلدىقتا قازاقستاننىڭ 169 ازاماتى تىركەۋدە تۇر. ولاردىڭ بارلىعى كەلىپ، ءوز تاڭداۋلارىن جاسايدى دەگەن ۇمىتتەمىز. ءبىز قازىر ازاماتتارىمىزعا حابارلاپ ايتامىز. بىزدە كونسۋلدىق پۋنكت بار، سول جەرگە حابارلاندىرۋ ىلەمىز، سايت ارقىلى اقپاراتتاندىرامىز. الداعى سايلاۋ ناۋقانىنا دايىندىق جۇرگىزىپ جاتىرمىز.

www.24.kz