وزبەكتىڭ تانىمال ءانشى قىزى قازاقستانعا قاشىپ كەلدى
وزبەك ءانشىسى Instagram جەلىسىندەگى جەكە پاراقشاسىن دا ءوشىرىپ تاستاعان. 2 اقپان كۇنى «ۋزبەكناۆو» ەسترادا بىرلەستىگى تاميلانى اشىق-شاشىق ۆيدەوسى ءۇشىن تۋىنداعان جانجالدان سوڭ، ليتسەنزياسىنان ايىردى.
«ەسمەرالدا راحماتوۆا (تاميلا) انشىلىك تالاپتاردى جانە ليتسەنزيالىق كەلىسىمنىڭ شارتتارىن بۇزعانى ءۇشىن ليتسەنزياسىنان ايىرىلدى»، - دەپ جازىلعان رەسمي حابارلامادا.
ەسكە سالا كەتسەك، 31- قاڭتار كۇنى Telegram حابارلاما جەلىسىندە وزبەك ءانشىسى تاميلانىڭ ءتانىن جالاڭاشتاعان ەكى ۆيدەوسى ەل اراسىنا تارالىپ كەتكەن ەدى. ءبىرىنشى روليكتە بەيتانىس ەركەك انشىدەن ەستراداعا كەلگەنگە دەيىن نەمەن اينالىسقانىن سۇرايدى. جاۋاپ رەتىندە ءانشى ورنىنان تۇرىپ، شالبارىن شەشە باستايدى. ەكىنشى ۆيدەوجازبادا جاس بيكەش جالاڭاش كۇيىندە تۇندە كوشەدە كەتىپ بارادى.
ايتا كەتەرلىگى، تاشكەنتتە مۋزىكالىق بەينەباياندار، انشىلەردىڭ ساحنادا ونەر كورسەتۋى، ءوزىن-ءوزى ۇستاۋى قاتاڭ باقىلاۋعا الىنعان. وزبەكستان ۇكىمەتى اندەردىڭ ونەگەلىك ءماتىنىن قاداعالايتىن سوت قاۋلىسىن وتكەن جىلدىڭ جەلتوقسان ايىندا قابىلدادى.
Nur.kz
