اپاتتى جاعدايدا ۇشقان ۇشاقتىڭ بورتىنداعى تەسىكتى جولاۋشى بەينەكامەراعا ءتۇسىرىپ العان - كەسكىن
بەينە ماتەريالدان ۇشاق فيۋزەلياجى تەسىلىپ، جولاۋشىلاردىڭ وتتەگى بەرۋ قۇرالىن پايدالانعانىن كورۋگە بولادى.
ەسكە سالا كەتەيىك، كەشە سەيسەنبى كۇنى «Daallo Airlines» اۋە كومپانياسىنىڭ «Airbus A321» ۇشاعى بورتىندا جارىلىس بولىپ، ءورت تۇتانۋىنا بايلانىستى سومالي استاناسى موگاديشوعا اپاتتى جاعدايدا قوندى. جارىلىس ۇشاق ۇشىپ شىققاندا بولعان. وقيعا سەبەبى انىقتالىپ جاتىر. ۇشاقتا 60 ادام بولعان. ول دجيبۋتي قالاسىنا باعىت العان. ەكى ادام زارداپ شەكتى.
russian.rt.com سايتىنىڭ جازۋىنشا، ۇشاق سومالي استاناسى موگاديشودان دجيبۋتيعا ۇشىپ شىققان. بورتىنىڭ تەسىلۋىنە قاراماستان ۇشاق ەكيپاجى ونى قايتادان اۋەجايعا قوندىرا ءبىلدى. Aviation Safety Network مالىمەتىنە سۇيەنسەك، ۇشاق 19 جىل قولدانىستا بولعان.
«يزۆەستيا» باسىلىمىنىڭ جازۋىنشا، А321 ۇشاعىنداعى جارىلىس كەزىندە ءبىر جولاۋشى سالوننان ۇشىپ كەتكەن. سونىمەن قاتار، ءۇش ادام زارداپ شەككەن كەتكەن.
