قىتايدا ءىرى قارجى پيراميدالارىنىڭ ءبىرى جويىلدى
Ezubao جۇمىسى پونتسي سحەماسى بويىنشا قۇرىلعان، العاش رەت سالىمشىلار جاڭا ينۆەستورلار تارتۋ ەسەبىنەن جوعارى پايىزدار الادى، دەپ حابارلادى ت ا س س.
«Ezubao پونتسي سحەماسى» بولىپ تابىلادى، - دەپ مالىمدەدى ونىڭ بۇرىنعى پرەزيدەنتى چجان مين، ول قازىر تۇتقىندا. ونىڭ ايتۋىنشا، كومپانيانىڭ نەگىزىن قالاۋشى دين نين (بۇل دا ۇستالعان) «مۇنى بىلگەن».
2014-جىلى قۇرىلعان. كومپانيا قارجى ونىمدەرىنىڭ التى ءتۇرىن ۇسىنىپ، جىلىنا 9 پايىزدان 14 پايىزعا دەيىن تابىسقا قول جەتكىزدى. وتكەن جىلعى جەلتوقساندا پلاتفورما سالىمشىلارىنىڭ سانى 900 مىڭ ادامدى قۇرادى، ولار سالعان قاراجاتتىڭ جيىنتىق كولەمى 74, 56 ميلليارد يۋانعا (11,30 ميلليارد دوللار) جەتتى.
قۇقىق قورعاۋ ورگاندارى كومپانيا قىزمەتىن تەكسەرە باستاعاندا، ونىڭ باسشىلىعى جەر استىنا 1,2 مىڭ ەسەپ-قيساپ قۇجاتتارىن جاسىرىپ قويعان. ونى قازىپ الۋ ءۇشىن پوليتسەيلەر 20 ساعات كەتىردى. وپەراتسياعا ەكى ەكسكاۆاتور تارتىلدى.
قىتايدا بانكتىك دەپوزيت بويىنشا ستاۆكاسى سالىستىرمالى تۇردە تومەن بولاتىن كليەنتتەردى الداۋ جاعدايلارى ءجيى كەزدەسەدى. جوعارى تابىسقا دامەلەنگەن ولار قاراجات سالادى. الايدا ول ءتۇرلى قارجى پيراميدالارى، زاڭسىز ينۆەستيتسيالىق قور بولىپ شىعادى. تاياۋ ۋاقىتقا دەيىن قىتايدا جەكە بانكتەر بولماعانى، جەكە تۇلعالارمەن شەتەل بانكتەرىنىڭ جۇمىسى شەكتەلگەنى جاعدايدى كۇردەلەندىرە ءتۇستى، سوندىقتان سوڭعىنىڭ قاراجاتىنا باسەكەلەستىگى جەرگىلىكتى بانكتىك سالادا تومەن بولدى. شي جينپيڭنىڭ باسشىلىق ەتۋىمەن ق ح ر جاڭا باسشىلىعى بانكتىك سەكتوردى ىرىقتاندىرۋعا كىرىستى.
