بۇگىن - جازۋشى ساكەن ءجۇنىسوۆتىڭ تۋعان كۇنى

استانا. قازاقپارات - بۇگىن - قازاقستانننىڭ حالىق جازۋشىسىسى، ق ر مەملەكەتتىك سىيلىعىنىڭ لاۋرەاتى ساكەن ءجۇنىسوۆتىڭ تۋعان كۇنى.

 ول 1934 -جىلى كوكشەتاۋ وبلىسى،  قىزىلتاۋ اۋدانى، كىشكەنەكول اۋىلىندا تۋعان. قازاقستاننىڭ حالىق جازۋشىسى (1996). قازاق مەملەكەتتىك ۋنيۆەرسيتەتىن بىتىرگەن (1957). 1957-1959 ج ج. «پيونەر» (قازىرگى «اق جەلكەن») جۋرنالىندا جانە 1960-1964 ج ج. قازاق مەملەكەتتىك دراما تەاترىندا ادەبيەت ءبولىمىنىڭ مەڭگەرۋشىسى، 1988 -جىلدان 1991 -جىلعا دەيىن ك س ر و ادەبي قورى قازاق بولىمشەسىنىڭ ديرەكتورى، قازاقستان جازۋشىلار وداعىنىڭ حاتشىسى بولعان.

بالالارعا ارنالعان العاشقى كىتاپشاسى («سوناردا» ) 1959 -جىلى شىقتى. بۇدان سوڭ جاس جەتكىنشەكتەر ءۇشىن «اجەم مەن ەمشى جانە دارىگەر» (1961)، «كىمنىڭ مەكەنى جاقسى» (1962)، «ساقاۋ باتەڭكە» (1983)، ت. ب. كىتاپتارى جارىق كوردى. «وشپەيتىن ىزدەر» پوۆەسىن (1968)، «جاپانداعى جالعىز ءۇي» رومانىن جازدى (1965؛ ورىس تىلىندە - 1968). «اقان سەرى» ديلوگياسى جارىق كوردى. (1-كىت. ، 1971؛ 2-كىت. , 1977؛ ورىس تىلىندە - م. , 1979). «العاشقى ۆاگون» (1982)، «زاماناي مەن اماناي» (1987) پوۆەستەرىن جازدى.

 جازۋشىنىڭ «اجار مەن اجال» (1967)، «تۇتقىندار» (1970)، « قىزىم، ساعان ايتام» (1972)، «جارالى گۇلدەر» (1973)، «قوس انار» (1974)، «ءار ءۇيدىڭ ەركەسى» (1975)، «قىسىلعاننان قىز بولدىق» (1976)، «كروسسۆورد نەمەسە ماسحاناداعى ماسكاراد» (1981)، ت. ب. پەسالارى رەسپۋبليكا تەاترلارىندا قويىلدى. «ءولىارا» پەساسىنا قازاق ك س ر مەملەكەتتىك سىيلىعى بەرىلدى (1986). 2000 -جىلى «ساكەن سەرى ەل جايىندا، ەل ساكەن سەرى جايىندا» كىتابى جارىق كوردى. 2006 -جىلى قايتىس بولعان.

كوپتەگەن شىعارمالارى شەتەل تىلدەرىنە اۋدارىلعان. ل. ن. تولستويدىڭ، س. سۆەيگتىڭ ءبىرقاتار اڭگىمەلەرىن، و. ت. گونچاردىڭ «پەرەكوپ»، «كوك ادىر» روماندارىن، ت. ب قازاق تىلىنە اۋدارعان.