اتاقتى مۋزىكانت دەۆيد بوۋيدىڭ وسيەتى جاريالاندى

استانا. قازاقپارات - اتاقتى مۋزىكانت دەۆيد بوۋي قپايتفىس بولعاننان كەيىن ءوزىنىڭ كۇلىن «بۋددا عۇرپى بويىنشا» يندونەزيالىق بالي ارالىنا شاشۋدى وسيەت ەتتى.

بۇل تۋرالى جۇما كۇنى نيۋ-يوركتە وتكەن سوت وتىرىسىندا ءمالىم بولدى، دەپ حابارلادى ت ا س س.

وسيەتكە سايكەس مۋزىكانتتىڭ بارلىق مۇلكى ونىڭ وتباسىنا - ايەلى يمان مەن ەكى بالاسى دانكان مەن الەكساندرياعا كوشەدى. زايىبى مۋزىكانت داۋلەتىنىڭ جارتىسىن جانە مانحەتتەندەگى پاتەرىن الادى، وندا ەرلى-زايىپتىلار سوڭعى 20 جىل بويى تۇرعان بولاتىن. بالالارى مۇلىكتىڭ قالعان بولىگىنە يە بولادى، ال بوۋيدىڭ قىزى الەكساندرياعا نيۋ-يورك شتاتىنداعى ونىڭ ءۇيى تيەدى. ءانشى سونداي- اق 2 ميلليون دوللاردى ءوزىنىڭ جاقىن دوسى جانە كومەكشىسى كورينن شۆابقا، تاعى 1 ميلليون دوللاردى دانكاننىڭ بۇرىنعى كۇتۋشىسى ماريون سكينگە بەرۋگە وسيەت ەتتى. مۋزىكانتتىڭ جىلجىمايتىن مۇلكى شامامەن 100 ميلليون دوللارعا باعالاندى. قۇجاتتا كورسەتىلگەندەي، بوۋيدىڭ دەنەسى 12 -قاڭتاردا نيۋ-دجەرسيدە ورتەلگەن بولاتىن.

مۋزىكانت باۋىردىڭ قاتەرلى ىسىگى سالدارىنان 10 -قاڭتاردا دۇنيەدەن ءوتتى. ونىڭ سوڭعى البومى قايتىس بولارىنان ەكى كۇن بۇرىن شىقتى.

ءانشى بارلىعى 136 ميلليوننان استام پلاستينكالارىن ساتتى جانە  ۇلى بريتانيانىڭ تانىمال مۋزىكاسى تاريحىندا ەڭ تابىستى ارتىستەردىڭ وندىعىنا كىردى.