شاعىن وتباسىلاردان شىققان بالالار ۇزاق ءومىر سۇرەدى - زەرتتەۋ

استانا. قازاقپارات - دجونس حوپكينس ۋنيۆەرسيتەتىندەگى عالىمداردىڭ جاڭا زەرتتەۋى كەدەي ەلدەردە شاعىن وتباسىلاردان شىققان بالالاردىڭ ءومىر ۇزاقتىعى ۇلكەن وتباسىلاردان شىققانداردان شامامەن ءۇش جىل كوپ ەكەنىن كورسەتتى.

ماماندار سابيلەر ءولىمىنىڭ كورسەتكىشتەرىن دە ەسەپكە الدى. 4 جانە از بالالارى بار وتباسىلار شاعىن، ودان كوپ بولسا - ۇلكەن بولىپ ەسەپتەلەدى.

وسىلايشا، وتباسىن جوسپارلاۋ باعدارلامالارى تۇرعىنداردىڭ ءبىرقالىپتى ءوسىمىن قامتاماسىز ەتىپ، قورلاردى ۇنەمدەۋگە مۇمكىندىك بەرىپ قانا قويماي، ادامداردىڭ دەنساۋلىعىنا دا اسەر ەتەدى، دەپ جازادى Zee News. شاعىن وتباسىلاردا اعالار مەن اپالاردىڭ اراسىندا باسەكەلەستىك دەڭگەيى تومەندەتىلگەن. بالالار ءۇشىن جاعداي جاسالىپ، بۇل ولاردىڭ دەنساۋلىعىنا دا جاقسى اسەر ەتەدى.

ايتا كەتەيىك، حيۋستون ۋنيۆەرسيتەتىنىڭ زەرتتەۋشىلەرى كوپبالالى وتباسىلاردان شىققان بالالاردىڭ وقۋ ۇلگەرىمى تومەن ەكەنىن انىقتادى. بۇدان باسقا، ولاردىڭ ءتارتىبى دە ناشار. ماسەلە كىشى بالاسىنىڭ دۇنيەگە كەلۋىن اتا-انانىڭ ەرەسەگىنە از كوڭىل بولە باستاۋىمەن تۇسىندىرىلەدى.