اقپاراتتىق حابارلاما
قازاقستان رەسپۋبليكاسى پرەزيدەنتىنىڭ 2016 -جىلعى 20 -قاڭتارىنداعى №181 جارلىعىمەن تاعايىندالعان 2016 -جىلعى 20 -ناۋرىزدا وتەتىن قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىنا قاتىساتىن، پارتيالىق تىزىمدەر بويىنشا سايلاناتىن ءماجىلىس دەپۋتاتتىعىنا ۇمىتكەرلەردى جانە سول جارلىقپەن تاعايىندالعان 2016 -جىلعى 20 -ناۋرىزداعى قازاقستان رەسپۋبليكاسى ءماسليحاتىنا سايلاۋعا قاتىساتىن، قازاقستان رەسپۋبليكاسى ءماسليحاتتارىنىڭ دەپۋتاتتىعىنا ۇمىتكەرلەردى ۇگىت ماتەريالدارىن ورنالاستىرۋ ءۇشىن تولەمى، شارتى، ءتارتىبى تۋرالى حاباردار ەتەدى.
سايلاۋالدى ۇگىت- ناسيحات 2016 -جىلعى 20 -اقپاننان باستالىپ، سايلاۋدىڭ الدىندا ءبىر كۇن بۇرىن جەرگىلىكتى ۋاقىت بويىنشا ساعات 00.00 دە اياقتالادى، وسىلايشا، سايتتا ۇگىت- ناسيحات ماتەريالدارىن ورنالاستىرۋ 2016 -جىلعى 18 -ناۋرىزدا ساعات 24:00 گە دەيىن جۇزەگە اسىرىلادى.
ۇگىت- ناسيحات ماتەريالدارىن ينتەرنەت سايتتا ورنالاستىرۋدىڭ جالپى شارتتارى مەن ءتارتىبى:
سايتتا ورىن بەرۋ inform.kz سايتىنىڭ مەنشىك يەسى مەن پارتيالىق ءتىزىمىن ۇسىنعان ساياسي پارتيانىڭ سەنىمدى تۇلعاسى، قازاقستان رەسپۋبليكاسى ءماسليحات دەپۋتاتتىعىنا ۇمىتكەر نە ونىڭ ۇگىت ماتەريالدارىن ورنالاستىرۋعا سەنىمدى تۇلعاسىنىڭ اراسىندا جاسالعان شارت نەگىزىندە جۇزەگە اسىرىلادى.
سايتتا اقپارات ورنالاستىرۋ ءۇشىن پارتيالىق ءتىزىم ۇسىنعان ساياسي پارتيانىڭ سەنىمدى تۇلعاسى، قازاقستان رەسپۋتسبليكاسى ءماسليحاتتارىنىڭ دەپۋتاتتىعىنا ۇمىتكەر نە ونىڭ سەنىمدى تۇلعاسى سايتتىڭ مەنشىك يەسىنە تومەندەگى مالىمەتتەردى كورسەتە جانە بەرە وتىرىپ، جازباشا ءوتىنىش بىلدىرەدى: 1) پارتيالىق ءتىزىمنىڭ، ءماسليحات دەپۋتاتتىعىنا ۇمىتكەردىڭ ۇسىنىلۋىن راستايتىن قۇجات كوشىرمەسى؛ 2) ساياسي پارتيانىڭ ۋاكىلەتتى وكىلىنىڭ، ءماسليحات دەپۋتاتتىعىنا ۇمىتكەردىڭ سەنىمدى تۇلعاسىنىڭ وكىلەتتىگىن راستايتىن قۇجاتتىڭ كوشىرمەسى؛ 3) جاريالاناتىن ماتەريالدىڭ جوسپارلانعان كولەمىن، ۇگىت ماتەريالدارىنىڭ ءتۇرىن كورسەتە وتىرىپ، جازباشا ءوتىنىشتىڭ مازمۇنى؛ 4) ءوتىنىش بەرگەن ساياسي پارتيا ۋاكىلەتتى وكىلىنىڭ، ءماسليحات دەپۋتاتتىعىنا ۇمىتكەردىڭ نە ونىڭ سەنىمدى تۇلعاسىنىڭ جەكە كۋالىگىنىڭ كوشىرمەسى؛ 5) جازباشا ءوتىنىش بەرگەن تۇلعانىڭ قولى.
جازباشا ءوتىنىش سايت 2016 -جىلعى 22 -اقپاننان باستاپ 2016 -جىلعى 17 -ناۋرىزعا دەيىن دەمالىس پەن مەرەكە كۇندەرىن قوسپاعاندا، كۇن سايىن ساعات 10.00-دەن 18.00 گە دەيىن مىنا مەكەنجاي بويىنشا قابىلدانادى: استانا قالاسى، ورىنبور كوشەسى، 4- ءۇي، «التىن وردا» بيزنەس ورتالىعى، 203-كابينەت.
جاريالانىمدا ولاردىڭ تولەمى، قارجىلاندىرۋ كوزدەرى تۋرالى اقپارات بولۋى ءتيىس.
ماتەريالداردى ورنالاستىرۋ كەزەگىن سايت جازباشا وتىنىشتەردىڭ كەلىپ- ءتۇسۋ تارتىبىنە بايلانىستى بەلگىلەيدى. بىرنەشە ساياسي پارتيالار نەمەسە ءماسليحات دەپۋتاتتىعىنا ۇمىتكەرلەردەن سول كۇنى ءبىر ۋاقىتتا وتىنىشتەر تۇسكەن جاعدايدا، سايت جەرەبە ءراسىمىن جۇرگىزەدى. جەرەبەگە ماتەريالداردى ورنالاستىرۋ كەزەگىنە تالاساتىن ساياسي پارتيالاردىڭ ۋاكىلەتتى وكىلدەرى نەمەسە ءماسليحات دەپۋتاتتىعىنا ۇمىتكەرلەر جانە تاۋەلسىز تاراپ رەتىندە سايت وكىلى قاتىسادى. ءار ساياسي پارتيانىڭ نە ءماسليحات دەپۋتاتتىعىنا ۇمىتكەردىڭ ۋاكىلەتتى تۇلعاسىنا سىرتى جاپسىرىلعان كونۆەرت تاڭداۋ ۇسىنىلادى، ونىڭ ىشىندە ماتەريالداردى ورنالاستىرۋ كۇنى كورسەتىلەدى. كونۆەرت سانى تالاسقا تۇسۋشىلەر سانىنا تەڭ بولادى. جەرەبە اياقتالعان سوڭ قاتىسۋشىلار مەن باق وكىلدەرى جەرەبە حاتتاماسىنا قول قويادى. جەرەبە ناتيجەسى (حاتتاما كوشىرمەسى) ءتيىستى سايلاۋ كوميسسياسىنا بەرىلەدى.
ۇگىت- ناسيحات ماتەريالدارىن بەرۋ ءتارتىبى
ۇگىت- ناسيحات ماتەريالدارى سايتقا جاريالاۋدان 1 (ءبىر) جۇمىس كۇنى بۇرىن بەرىلەدى.
سايت ەگەر ماتەريالدان كونستيتۋتسيالىق قۇرىلىمدى كۇشتەپ وزگەرتۋگە، قازاقستان رەسپۋبليكاسىنىڭ تۇتاستىعىن بۇزۋعا، مەملەكەت قاۋىپسىزدىگىنە نۇقسان كەلتىرۋگە، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق ارازدىقتى قوزدىرۋعا، زورلىق- زومبىلىققا شاقىرۋعا جانە زاڭداردا كوزدەلمەگەن اسكەريلەندىرىلگەن قۇرامالار قۇرۋعا باعىتتالعان يدەيالاردى بايقايتىن بولسا جانە زاڭنامادا كوزدەلگەن وزگە دە نەگىزدەردە ۇگىت ماتەريالدارىن قابىلداۋدان باس تارتۋعا قۇقىلى.
سايت ماتەريالدا ساياسي پارتيالاردىڭ نەمەسە ءماسليحات دەپۋتاتتىعىنا باسقا ۇمىتكەرلەردىڭ ار- نامىسىنا، ابىرويىنا نەمەسە ىسكەرلىك بەدەلىنە نۇقسان كەلتىرەتىن اقپارات بولعان جاعدايدا ۇگىت ماتەريالدارىن ورنالاستىرۋدان باس تارتۋعا قۇقىلى.
وسى حابارلامادا كورسەتىلگەن ينتەرنەت سايتقا اقپارات ورنالاستىرۋ شارتى مەن ءتارتىبى ۋاكىلەتتى ورگاندار تالاپتارىنا سايكەس تۇزەتىلۋى مۇمكىن.
تولەم سايت ۇسىنعان ەسەپشوت نەگىزىندە، شىعارىلعان كۇننەن باستاپ 5 (بەس) بانكتىك كۇن ىشىندە جۇزەگە اسىرىلادى.
تولەم اقپارات ورنالاستىرۋ تۋرالى ءتيىستى شارتتا نەمەسە ەسەپشوتتا كورسەتىلگەن سايتتىڭ بانكتىك رەكۆيزيتتەرى بويىنشا جۇزەگە اسىرىلادى.
«قازاقپارات» ح ا ا» ج ش س
باس ديرەكتورى د. دياروۆ
