عالىمدار قانداي ادامداردىڭ جول اپاتىنا ءجيى ۇشىرايتىنىن ايتتى

استانا. قازاقپارات - قىتاي عىلىم اكادەمياسىنداعى پسيحولوگيا ينستيتۋتىنىڭ عالىمدارى پەسسيميست ادامداردىڭ كولىكتى جۇرگىزگەن كەزدە جول اپاتتارىنا وپتيميستتەرگە قاراعاندا ءجيى ۇشىراپ جاتاتىنى تۋرالى قىزىقتى جاڭالىق اشتى.

تاجىريبەگە كولىك جۇرگىزۋ قۇقىعىن ءۇش جىلدان استام ۋاقىت بۇرىن العان 38 جۇرگىزۋشى قاتىستى.

جۇرگىزۋشىلەر كولىكتى جۇرگىزۋ كەزىندە العان ايىپپۇل بالدارىنىڭ سانى بويىنشا ەكى توپقا ءبولىندى. قىتايدا ءاربىر جۇرگىزۋشىگە جىل باسىندا 12 بالل ەسەپتەلىپ، كەيىننەن ەرەجەنى ءاربىر بۇزعانى ءۇشىن الىنادى.

ءبىرىنشى توپتا زەرتتەۋ كەزىندە التى جانە ودان دا كوپ بالدان ايىرىلعان جۇرگىزۋشىلەر، ال ەكىنشىسىندە - ءۇش جانە ودان دا از بالدان ايىرىلعان جۇرگىزۋشىلەر بولدى.

 «قاۋىپسىز» جانە «قاۋىپتى» جۇرگىزۋشىلەردى بىرنەشە سۇراققا جاۋاپ بەرۋىن سۇرادى. سۇراقتاردىڭ اراسىندا قاۋىپسىزدىك بەلبەۋىن ۇنەمى تاعىپ جۇرەتىندىگى جانە باعدارشامنىڭ قىزىل شامىنان قانشالىقتى ءجيى ءوتىپ كەتەتىندىگى، ت. ب. بولدى.

ودان كەيىن تاجىريبەنىڭ بارلىق قاتىسۋشىلارىنا ءتۇرلى فوتوسۋرەتتەردى كورسەتىپ، ولاردىڭ ءتۇسىن تەز اتاۋدى سۇرادى.

ناتيجەسىندە، «قاۋىپتى» سانالاتىن جۇرگىزۋشىلەردەن سۋەرتتەردىڭ ءتۇسىن انىقتاۋ كەزىندە باياۋ رەاكسيا بايقالعان.

 وسىلايشا، مامانداردىڭ ايتۋىنشا، پەسسيميست ادامدار جول اپاتىنا سەبەپ بولۋى مۇمكىن جايتتارعا باياۋ كوڭىل بولەدى، دەپ جازادى شەتەلدىك ب ا ق.