ك ت ك تەلەارناسى قازنەتتە جۇلدىزعا اينالعان جامبىلدىق «ديكتورعا» قىزىعۋشىلىق تانىتتى
«ءيا، ءبىز بۇل روليكتى كوردىك، شىن مانىندە جىگىت وتە دارىندى. ب ا ق سالاسىندا مۇنداي دارىندار از. (...) ءبىز وعان قىزىعۋشىلىق تانىتىپ وتىرمىز (جاسۇلان كەنجەبايعا - اۆت. ) جانە ونى جاڭالىقتار بولىمىنە تاجىريبەدەن وتكىزۋگە دايىنبىز. جالپى ايتقىم كەلەتىنى، جۋرناليستيكاعا كاسىبي ءبىلىمى جوق ادامدار ءجيى كەلەدى، ياعني ءتۇرلى سالادان كەلىپ جاتادى، سولاردان جاقسى مامان شىعىپ جاتادى. سوندىقتان ەگەر ول بىزگە كەلسە، قاراستىرىپ كورەمىز»، - دەدى ك ت ك تەلەارناسىنىڭ باس پروديۋسەرى داۋرەن مەركەيەۆ.
ايتا كەتەيىك، جاسۇلان كەنجەباي جامبىل وبلىسىندا كۇزەتشى بولىپ جۇمىس ىستەيدى جانە جۋرناليست بولۋدى ارماندايدى. روليكتەرىندە ول ءوزىن ك ت ك ءتىلشىسى دەپ تانىستىرادى. ول قازاقستاندىق تەلەجۋرناليست نارتاي ارالباي ۇلىن ۇلگى تۇتادى. ايتپاقشى ول قازىرگى ۋاقىتتا ك ت ك- دا جۇمىس ىستەمەيدى.
ول كامەرا الدىندا ءبىرىنشى رەت وتكەن جىلدىڭ جازىندا ونەر كورسەتە باستاپتى. «دوسىم قوناققا كەلىپ، تەلەفون كامەراسىنا قاراپ تۇرىپ، سويلەۋىمدى سۇرادى. ادەتتە ماتىندەردى تەز جاتتاپ الامىن، كولەمدى بولسا دا. ونى ءبىر- ەكى رەت وقىپ السام جەتەدى، ارى قاراي جالعاستىرا بەرەمىن. ءماتىن اراسىندا تولە ءبيدىڭ، قازىبەك ءبيدىڭ، ايتەكە ءبيدىڭ قاناتتى سوزدەرىن قوسامىن. نەگىزىندە كوبى توسىننان شىعادى»، - دەدى ول Tengrinews.kz تىلشىسىنە بەرگەن سۇحباتىندا.
