قازاقستاننىڭ اسكەري قىزمەتشىلەرى ءبىرقاتار مەملەكەتتەردىڭ قارۋلى كۇشتەرى تۋرالى دەرەكقوردى جاڭارتتى

استانا. قازاقپارات - ق ر ق م قارۋ-جاراقتى باقىلاۋ جانە ينسپەكتسيانى قامتاماسىز ەتۋ جونىندەگى ورتالىعىنىڭ وكىلدەرى ەۋروپاداعى كادىمگى قارۋلى كۇشتەرى تۋرالى شارتتىڭ قاتىسۋشى مەملەكەتتەرى قارۋلى كۇشتەرىنىڭ حاباردار ەتىلگەن قۇرىلىمى بويىنشا سەمينارعا قاتىستى.

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى. سەمينار بريۋسسەلدەگى ناتو-نىڭ شتاب-پاتەرىندە ءوتتى. اتاپ وتىلگەندەي، سەمينار ماقساتى دەرەكتەر قورىنا ەنگىزە وتىرىپ، ناتو قاتىسۋشى مەملەكەتتەرى مەن سەرىكتەس ەلدەردىڭ قارۋلى كۇشتەرى تۋرالى دەرەكتەردى جاڭارتۋ بولىپ تابىلادى.

كەزدەسۋ بارىسىندا قازاقستاندىق دەلەگاتسيا 2016-جىلعا ارنالعان دەرەكتى جاڭارتتى، ءبىرقاتار ەكىجاقتى كەزدەسۋلەردى وتكىزدى. ق ر قارۋلى كۇشتەرىنىڭ وكىلدەرى «Verity» دەرەكقورىمەن جۇمىس جاساۋ تۋرالى قاجەتتى مالىمەتتەردى الدى.

دەرەكقوردىڭ ءوزى جەكە قۇرامنىڭ، قارۋ-جاراق پەن تەحنيكانىڭ سانىن، قاتىسۋشى مەملەكەتتەر اراسىنداعى جۇرگىزىلەتىن ينسپەكتسيالار تۋرالى ەسەپتەردى قوسا ەسەپتەگەندە، ە ك ق ك ش شەڭبەرىندە اقپارات جۇرگىزۋ ءۇشىن ارنالعان. بۇگىنگى تاڭدا ەۋروپاداعى كادىمگى قارۋلى كۇشتەر تۋرالى شارتتىڭ قاتىسۋشىلارى قازاقستان، رەسەي، ارمەنيا، ازەربايجان، بەلورۋسسيا، بەلگيا، بولگاريا،  ۇلى بريتانيا، ۆەنگريا، گەرمانيا، گرەكيا، گرۋزيا، دانيا، يسلانديا، يسپانيا، يتاليا، ليۋكسەمبۋرگ، مولداۆيا، نيدەرلاندى، نورۆەگيا، پولشا، پورتۋگاليا، رۋمىنيا، سلوۆاكيا، تۇركيا، ۋكراينا، فرانسيا جانە چەحيا، سونداي-اق ا ق ش پەن كانادا بولىپ تابىلاتىنىن ايتا كەتكەن ءجون.

شارتقا سايكەس ونى قولدانۋ اۋدانىنىڭ شەگىندە، بۇل دەگەنىمىز ارال اۋماقتارىن قوسقاندا اتلانت مۇحيتىنان باستاپ ورال تاۋلارى، ورال وزەنىنەن كاسپي تەڭىزىنە دەيىنگى اۋماق. قاتىسۋشى مەملەكەتتەردە كادىمگى قارۋ-جاراق پەن جاۋىنگەرلىك تەحنيكانىڭ تەڭ سانىنىڭ بولۋىنا رۇقسات ەتىلەدى. بۇل رەتتە ولاردىڭ جالپى جيىنتىق سانى 40 مىڭ جاۋىنگەرلىك تانكتەن، 60 مىڭ جاۋىنگەرلىك بروندالعان ماشينادان، 40 مىڭ كاليبردىڭ ارتيللەريالىق بىرلىگىنەن، 100 م م جانە جوعارى، 13600 جاۋىنگەرلىك ۇشاق، 4000 سوققى جاساۋ تىكۇشاعىنان اسپاۋى ءتيىس.