جاڭا تارتىپكە ساي تاۋارلار دۇنيەجۇزىلىك ساۋدا ۇيىمىنىڭ جەڭىلدەتىلگەن مولشەرلەمەسىمەن كەدەندىك تەكسەرىستەن وتەدى
ەلىمىزگە دۇنيەجۇزىلىك ساۋدا ۇيىمىنىڭ جەڭىلدەتىلگەن مولشەرلەمەسىمەن كەلگەن تاۋارلار قاتاڭ قاداعالاۋعا الىنباق، دەپ حابارلادى www.24.kz.
ول ءۇشىن استانانىڭ كىرەبەرىسىندە جەدەل توپ قۇرىلعان. وندا مەملەكەتتىك كىرىس دەپارتامەنتىنىڭ ماماندارى يمپورتتىق تاۋارلاردى تاسىمالداۋعا رۇقسات بەرەتىن قۇجاتتاردى تەكسەرىپ، ءتۇسىندىرۋ شارالارىن جۇرگىزۋدە. جىل باسىنان كۇشىنە ەنگەن تارتىپكە سايكەس، ەلىمىزگە جەتكىزىلگەن تاۋار دۇنيەجۇزىلىك ساۋدا ۇيىمىنىڭ جەڭىلدەتىلگەن مولشەرلەمەسىمەن كەدەندىك تەكسەرىستەن وتە الادى. ءبىراق بۇل جۇكتى ودان كەيىن ەل اۋماعىنان شىعارۋعا رۇقسات جوق. ەگەر كاسىپكەر يمپورتتالعان تاۋاردى وزگە ەلدە ساۋدالاعىسى كەلسە، وندا ەۋرازيالىق ەكونوميكالىق وداق اياسىنداعى ءبىرىڭعاي تاريف بويىنشا كەدەندىك تەكسەرىستەن ءوتۋ كەرەك.
ايتا كەتەيىك، دۇنيەجۇزىلىك ساۋدا ۇيىمىنىڭ جەڭىلدەتىلگەن مولشەرلەمەسى ەۋرازيالىق ەكونوميكالىق وداق ەلدەرىنىڭ تاريفىنەن ەكى ەسە تومەن.
