08:02, 05 - قاڭتار 2016 | GMT +5
ەلىمىزدە الەۋمەتتىك دامۋ باعدارلاماسى وزگەرتىلەدى
استانا. قازاقپارات - ەلىمىزدە الەۋمەتتىك دامۋ باعدارلاماسى وزگەرتىلەدى، دەپ حابارلادى www.24.kz.
ماسەلەن، 2018 -جىلدان باستاپ جاڭا فورماتتاعى اتاۋلى الەۋمەتتىك كومەك ەنگىزىلەدى. بۇل تۇرمىستىق دەڭگەيى تومەن ازاماتتاردى قولداۋعا باعىتتالعان. سونداي- اق ەڭ تومەنگى كۇنكورىس دەڭگەيىن انىقتاۋ ءادىسى ازىرلەندى. ياعني، تۇتىناتىن ازىق- تۇلىك تاۋارلارىنىڭ ەڭ تومەنگى مولشەرى قايتا قارالاتىن بولادى. وسى شارالاردىڭ بارلىعى ۇكىمەتتىڭ داعدارىسقا قارسى جوسپارىندا كورىنىس تاپقان.
بۇدان بولەك، دەنساۋلىق ساقتاۋ سالاسىن دامىتۋدىڭ 2016-2019 -جىلدارعا ارنالعان مەملەكەتتىك باعدارلاماسى مەن اعىمداعى جىلدىڭ كوكتەمىنە دەيىن ءبىلىم بەرۋ جۇيەسىنىڭ جوباسى دا ازىرلەنبەك. ال كەلەر جىلدان باستاپ تەگىن كاسىپتىك - تەحنيكالىق ءبىلىم بەرۋ جۇيەسى ىسكە اسىرىلادى.
