ەلباسى ق ر مەملەكەتتىك قىزمەتشىلەرىنىڭ ادەپتىلىك نورمالارىن ودان ءارى جەتىلدىرۋ تۋرالى جارلىققا قول قويدى

استانا. قازاقپارات - مەملەكەت باسشىسى نۇرسۇلتان نازاربايەۆ قازاقستان رەسپۋبليكاسى مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز- قۇلىق قاعيدالارىن ودان ءارى جەتىلدىرۋ جونىندەگى شارالار تۋرالى جارلىققا قول قويدى.

بۇل تۋرالى اقوردانىڭ باسپا ءسوز قىزمەتىنەن حابارلادى.

***

قازاقستان رەسپۋبليكاسى مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز- قۇلىق قاعيدالارىن ودان ءارى جەتىلدىرۋ جونىندەگى شارالار تۋرالى

 مەملەكەتتىك قىزمەتشىلەردىڭ مورالدىق- ادامگەرشىلىك بەينەسىنە جانە ىسكەرلىك قاسيەتتەرىنە قويىلاتىن تالاپتاردى جوعارىلاتۋ ماقساتىندا

قاۋلى ەتەمىن:

1. قوسا بەرىلىپ وتىرعان:

1) قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسى (مەملەكەتتىك قىزمەتشىلەردىڭ قىزمەتتىك ادەپ قاعيدالارى)؛

2) ادەپ جونىندەگى ۋاكىل تۋرالى ەرەجە بەكىتىلسىن.

2. وسى جارلىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانىلسىن.

3. وسى جارلىق 2016 -جىلعى 1  - قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ

 پرەزيدەنتى   ن. نازاربايەۆ

استانا، اقوردا، 2015 -جىلعى 29 - جەلتوقسان

 № 153