قازاقستاندا جەزوكشەلىكتى جويۋدىڭ بىردەن-ءبىر جولى - ونى جۇيەلەپ دامىتۋ عانا

استانا. قازاقپارات - جەزوكشەلىكتىڭ جويۋ - ۇلتتى جويۋمەن تەڭ كولەمدى كاتاستروفا(قيىن جاعداي - رەد.) بولۋى مۇمكىن.

شىمكەنت تۇرعىنى ەلدەگى جەزوكشەلىكتى جويۋ تۋرالى ماسەلەگە قارسى ءوز پىكىرىن ءبىلدىردى.

ازامات بۇل ويىن فەيسبۋك جەلىسىندەگى جەكە پاراقشاسىنا جازىپ وندا ءتانىن ساۋدالايتىن جەڭىل جۇرىستىلەردى جازالاۋدىڭ ورنىنا اكىمشىلىك تاراپىنان قولداۋ بولۋ كەرەك دەپ ويلايدى. شەتەلدە ءبىلىم العان جەرلەسىمىز: «جەزوكشەلىكتىڭ جويۋ - ۇلتتى جويۋمەن تەڭ كولەمدى كاتاستروفا بولۋى مۇمكىن. وسى فاكتورلاردى ەسكەرە كەلە، جەزوكشەلىك سالاسىنىڭ ءبىزدىڭ قوعامداعى تولەرانتتىلىق پەن تۇراقتىلىققا تيگىزىپ جاتقان ەرەكشە پايداسى جونىندە ءبىر اۋىز ايتپاسقا بولماي تۇر. بارلىق، سالانىڭ ءوز جۇيەسى بولماعى شارت. وكىنىشكە وراي، ءدال قازىرگى تاڭدا قالالارىمىزداعى جەزوكشەلىك سالاسىنىڭ جاعدايى جىلارمان حالدە. جاڭاشىلدىق جوق. سوندىقتان، بۇل سالانىڭ دامۋىنا اكىمشىلىكتەر تىكەلەي مۇددەلى بولۋى كەرەك. وسىنىڭ اياسىندا «قولجەتىمدى جەزوكشە» باعدارلاماسى قولعا الىنسا» دەگەن.

بلوگەردىڭ سوزىنشە، جەزوكشەلىك مەملەكەت تاراپىنان ءبىر تيىندا جاردەم الماي، ءوز كۇشىمەن پايداعا شىعىپ وتىرعان جالعىز سالا. سوندىقتان دا ونىڭ پايدالى جانە قاجەت تۇستارىن اتاپ وتكەن.

1) جەزوكشەلىك - جىنىستىق زورلىق فورماتىنداعى قىلمىستارعا قالقان بولاتىن بىردەن ءبىر جول. ول ءۇشىن اتالمىش باعدارلاما نەگىزىندە ءارتۇرلى مادەني ورتالىقتار سالىنۋى كەرەك. ونداعى قىزمەت كورسەتەتىن قىزداردى كاتەگوريالار بويىنشا ءبولىپ قوياسىز. سايكەسىنشە، ادامدار قالاعانىنا كىرە الادى. ال پسيحيكاسى زورلىققا قۇمار ازاماتتار قىلمىستىق ريسككە بارماي-اق، قاناعاتتانا الادى.

2) جەزوكشەلىك - ساپالى مامانداردىڭ قالىپتاسۋىنا ىقپال ەتەتىن سالا. انتيمونوپوليالىق ۇيىمدار جەزوكشەلەردىڭ باعالارىن باقىلاۋ جاساۋى ءتيىس. ويتكەنى، قىزدارىمىزدىڭ كوپ بولىگى وڭاي جانە كوپ اقشا تابۋ ماقساتىندا، ءبىلىمى از ياكي جۇمىستىڭ رەتى بولماعاندىقتان بارادى. الماتىنىڭ باعالارى سۇمدىق، نەگىزى. ءاربىر ەنەرگياسى تاسىعان جاس ءۇشىن قولجەتىمسىز. ەگەر باعا ارزانداتىلسا، قىزدارىمىز دا بەتالدى جەزوكشە بولىپ كەتە بەرمەسى انىق. مەملەكەتتىك ستاندارت بويىنشا، كۇنىنە 8 ساعات جانە اپتاسىنا 40 ساعاتتىق جۇمىس رەجيمى كۇشتەپ ەنگىزىلۋى كەرەك. ءار جەزوكشە مەملەكەتتىك قىزمەتكەر اتانىپ، انتيمونوپوليالىق كوميتەتتىڭ كومەگىمەن مەملەكەتتىك سالا جەكەلەنگەن ۇيىمداردى جۇتىپ جىبەرۋى ءتيىس. سوندا عانا ءبىلىمدى كوتەرىپ ءارتۇرلى دۇرىس جۇمىس ىستەۋگە موتيۆاتسيا ارتادى جاستارىمىزدا.

3) جەزوكشەلىكتىڭ مەملەكەتتىك سەكتورعا ءوتۋى ەكونوميكاعا پايداسىن اكەلەتىن ۇلكەن فاكتورعا اينالادى. جەزوكشەلەردىڭ قۇقىعىن قورعايتىن قاۋىمداستىقتار قۇرىلىپ، ولارمەن جۇمىس ىستەۋدىڭ، ولاردىڭ دۇرىس ءھام ساپالى جۇمىس ىستەۋىنىڭ ەرەجەسى جاسالىنىپ شىعۋى كەرەك. وسىنىڭ ناتيجەسىندە تۇراقتىلىق بولادى.

4) جىل سايىن جەزوكشەلىك ۇيىمدار مەن جەكە تۇلعالارعا پروتسەنسىز سۋبسيديالار ءبولىنۋى كەرەك. ايىنا 150-200 ادامعا قىزمەت كورسەتە الماي جوسپاردى ورىنداي الماعان جاعدايدا قاتاڭ سوگىس جاريالانۋى ءتيىس. قۇرىلىمدا بيۋدجەتتى جىمقىرۋ اكتىلەرى ورىن الماۋى ءۇشىن ونىڭ بارلىعىن ۆيدەو نەمەسە فوتو فورماتتا CRM جۇيەلەر ارقىلى ەسەپتەر جىبەرىلىپ وتىرىلۋى كەرەك.

5) جەزوكشەلىك بويىنشا شەتەلدەن كاسىبي مامانداردى قىزمەتكە شاقىرۋ كەرەك. باسەكەلەستىككە قابىلەتتى جەزوكشەلەر عانا قالىپ، حالتۋريت ەتىپ جۇرگەن قىزداردى ءوز سالالارىنا جىبەرۋ كەرەك. سولاي عانا جەزوكشەلىك سالاسى تازارادى. قالعان ەشقانداي فاكتور وعان توسقاۋىل ەمەس. جەزوكشەلىكتى جويۋدىڭ بىردەن- ءبىر جولى - ونى جۇيەلەپ دامىتۋ عانا.

ەستەرىڭىزگە سالا كەتسەك، بۇعان دەيىن الماتىلىق بلوگەر قالا باسشىسى باۋىرجان بايبەككە شاھاردى جەڭىل جۇرىستىلەردەن تازارتۋ تۋرالى ۇسىنىس ايتقان ەدى. كوپشىلىك ءبىر اۋىزدان قولداعانىمەن بۇل ماسەلە جاقىن ارادا شەشىلۋى ەكىتالاي. سەبەبى، الماتى قالالىق ىشكى ىستەر دەپارتامەنتىندە 2000 نان استام جەزوكشە قارا تىزىمدە تۇر.

دەرەككوز: NUR. KZ