قىزىلوردا وبلىسى تولىق گازداندىرىلادى - ق. كوشەربايەۆ

 استانا. قازاقپارات - 2016 - جىلى  قىزىلوردا وبلىسى تولىق گازداندىرىلادى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە  قىزىلوردا وبلىسىنىڭ اكىمى قىرىمبەك كوشەربايەۆ ءمالىم ەتتى.

«ءبىز اعىمداعى جىلدىڭ ىشىندە ارال قالاسىن قازالى اۋدانىنا قاراستى ايتەكە بي، شيەلى، جاڭاقورعان جانە قىزىلوردا توڭىرەگىندەگى ءبىرقاتار ەلدى مەكەنگە گاز جۇرگىزدىك. بيىل «قازترانسگاز ايماق» ا ق- ىمەن بىرلەسىپ، جالپى سوماسى 23 ميلليارد تەڭگەنى قۇرايتىن جوبالار جۇزەگە اسىرىلدى»، - دەدى وبلىس باسشىسى.

ونىڭ اتاپ وتىنشە، كەلەسى جىلى ءوڭىردىڭ ەلدى مەكەندەرىن گازداندىرۋعا 10,5 ميلليارد تەڭگە قارجى بولىنەتىن بولادى.

«2016 -جىلى جاڭاقورعان، تەرەڭوزەك، جالاعاش جانە قىزىلوردا قالاسىندا قالىپ وتىرعان 120 تۇرعىن ۇيگە گاز جۇرگىزۋدى جوسپارلاپ وتىرمىز. وسىلايشا، ءبىز نەگىزگى ەلدى مەكەندەردى گازبەن جابدىقتاۋ جۇمىستارىن اياقتايتىن بولامىز»، - دەدى ق. كوشەربايەۆ.

 اۆتور: مارلان جيەمباي