ن. نازاربايەۆ: قازاقستان ءتوراعالىعى كەزىندە ە ا ە و ش ى ۇ- مەن بايلانىستى تەرەڭدەتەتىن بولادى
بۇل تۋرالى اقوردانىڭ باسپا ءسوز قىزمەتى حابارلادى.
كەزدەسۋ بارىسىندا ە ا ە و- عا مۇشە مەملەكەتتەر باسشىلارى وداق قىزمەتىنىڭ ءتۇرلى اسپەكتىلەرى مەن قازىرگى جۇمىسىنىڭ، سونىڭ ىشىندە ۇيىمداستىرۋشىلىق- كادرلىق ماسەلەلەردى تالقىلادى.
نۇرسۇلتان نازاربايەۆ بەلارۋس تاراپىنا جانە جەكە ا. لۋكاشەنكوعا ە ا ە و ءتوراعاسى رەتىندە جىل بويى اتقارعان جۇمىسى ءۇشىن العىس ايتتى.
قازاقستان پرەزيدەنتى ءبىزدىڭ ەل ەۋرازيالىق ەكونوميكالىق وداقتىڭ قىزمەتىنە ايرىقشا ماڭىز بەرەتىنىن، بۇل وداق وعان مۇشە مەملەكەتتەردىڭ دامۋى ءۇشىن زور الەۋەتكە يە ەكەنىن اتاپ ءوتتى.
«الەمدىك ەكونوميكالىق كونيۋنكتۋرانىڭ تۇراقسىزدىعىنا بايلانىستى 2016 - جىلدىڭ كۇردەلى بولاتىنىن جانە بىزگە ايرىقشا جاعدايدا جۇمىس ىستەۋگە تۋرا كەلەتىنىن تۇسىنەمىز. قازاقستان ينتەگراتسيالىق بىرلەستىگىمىزدىڭ ودان ءارى دامۋى ءۇشىن بار كۇش- جىگەرىن سالادى جانە ءتوراعالىق ەتكەن كەزىندە شانحاي ىنتىماقتاستىعى ۇيىمىمەن بايلانىستى تەرەڭدەتۋ باعىتىندا بەلسەنە جۇمىس ىستەيتىن بولادى. بۇل ءبىزدىڭ مۇمكىندىكتەرىمىزدى كەڭەيتىپ، ە ا ە و- نى كۇشەيتەدى»، - دەدى مەملەكەت باسشىسى.
سونىمەن قاتار ءىس- شارا بارىسىندا تاراپتار ۋكراينا مەن ە و اراسىندا 2016 - جىلعى 1 - قاڭتاردان باستاپ ەركىن ساۋدا ايماعى ىسكە قوسىلاتىندىعىنا بايلانىستى بىرلەسكەن ءىس- قيمىل ستراتەگياسىن تالقىلادى. كەلەسى جىلى ە ا ە و اياسىنداعى الىس- بەرىس تاۋارلارىن ەلەكتروندى دەكلاراتسيالاۋعا كوشۋگە شەشىم قابىلداندى.
مەملەكەتتەر باسشىلارى ەۋرازيالىق ەكونوميكالىق وداقتىڭ 2016 - جىلعا ارنالعان بيۋدجەتىن، سونداي- اق ەەك القاسىنىڭ جاڭا قۇرامى مەن القا مۇشەلەرى اراسىنداعى مىندەتتەر ءبولىنىسىن بەكىتتى.
حالىقارالىق ىنتىماقتاستىقتى دامىتۋ ماقساتىندا ەاەو مەن «جىبەك جولىنىڭ ەكونوميكالىق بەلدەۋىن» ءتۇيىستىرۋ جونىندەگى بايانداما تىڭدالدى.
وتىرىس بارىسىندا وداق اياسىنداعى اۆتوموبيل تاسىمالى سالاسىن كەزەڭ- كەزەڭىمەن ىرىقتاندىرۋ باعدارلاماسىنا وزگەرىستەر ەنگىزۋ تۋرالى شەشىم قابىلداندى.
سونىمەن قاتار 2016 - جىلى وداقتىڭ كوميسسيا القاسىنان باسقا بارلىق ورگاندارىنا قازاقستاننىڭ ءتوراعالىق ەتۋى جونىندە شەشىم قابىلداندى.
