استانادان ۇرىمجىگە پويىزدار كۇن سايىن قاتىنايتىن بولادى
«EXPO- عا ءبىز كۇن سايىن جۇرەتىن استانا- ءۇرىمجى پويىزىن ىسكە قوسۋدى جۇزەگە اسىرۋدى جوسپارلاپ وتىرمىز. ول استانا- الماتى- ءۇرىمجى باعىتىندا جۇرەدى. ءبىز مۇنى 2017 -جىلى ىسكە قوسامىز. بۇل دا «تۇلپار- تالگو» پويىزدارى بولماق. جولاۋشىلار جۇردەك قوزعالىسىن دامىتۋ اياسىندا جوسپارىمىز كوپ، وسى جوسپارلارىمىزعا سايكەس جىل سايىن باعىتتار سانىن كوبەيتۋ جانە قىزمەتتى جاقسارتۋ بويىنشا قوزعالىپ كەلەمىز»، - دەدى اسقار مامين و ك ق باسپا ءسوز ءماسليحاتىندا.
ق ت ج باسشىسىنىڭ ايتۋىنشا، سوڭعى ءۇش- ءتورت جىلدا قازاقستاندا توعىز جاڭا تەمىرجول باعىتى ىسكە قوسىلدى.
اسقار مامين 2016 -جىلى قازاقستاندا جاڭا ءارى كەڭ «تۇلپار- تالگو» ۆاگوندارىنىڭ ىسكە قوسىلاتىنىن ايتتى. «قازىر ءبىز جاساپ جاتىرمىز. كەلەر جىلى 30 سانتيمەترگە كەڭ جاڭا كۋزوۆىمىز بولادى. «تۇلپار- تالگو» ۆاگوندارىنىڭ تار ەكەندىگى جايلى ايتىلىپ جاتىر. وسى ۇسىنىس پەن نارىققا جاڭا ۇسىنىس بەرۋ ءۇشىن ءبىز جولاۋشىلار ۆاگونىنىڭ جاڭا جوباسىن جاسادىق. كەلەر جىلى زاۋتىمىزدا كەڭ ۆاگوندارى بار بىرنەشە سوستاۆتى جوسپارلاپ وتىرمىز»، - دەدى قازاقستان تەمىر جولىنىڭ باسشىسى.
