ن. نازاربايەۆ: ەۋرازيالىق ەكونوميكالىق وداقتى قۇرۋ - دۇرىس شەشىم، ەندى ءارى قاراي قادام باسۋ كەرەك
كەزدەسۋدە قازاقستان مەن رەسەيدىڭ ءوزارا ىقپالداستىق ماسەلەلەرى، سونىمەن قاتار ەكى ەلدىڭ ىنتىماقتاستىعىنىڭ باسىم باعىتتارى تالقىلاندى.
«مەنىمەن كەزدەسۋ ءۇشىن ۋاقىت تاپقانىڭىزعا راحمەت! ەۋرازيالىق ەكونوميكالىق وداق جۇمىسىن قورىتىندىلاۋ ءۇشىن ءداستۇر بويىنشا جاڭا جىل الدىندا ماسكەۋدە باس قوسامىز»، - دەدى قازاقستان پرەزيدەنتى نۇرسۇلتان نازاربايەۆ.
مەملەكەت باسشىسى ەۋرازيالىق ەكونوميكالىق وداقتىڭ العاشقى جىلى قيىندىقتارعا تاپ بولساق تا، ە ا ە و- تىڭ قۇرىلۋى دۇرىس بولعانىن جانە ارى قاراي العا جىلجۋىمىز كەرەكتىگىن اتاپ ءوتتى.
«ەۋرازيالىق ەكونوميكالىق وداقتىڭ ءبىرىنشى جىلى وڭاي بولمادى، داعدارىسقا تاپ بولدىق. قانداي شىعىندار بولاتىنىن بىلدىك. سوندا دا دۇرىس شەشىم قابىلدادىق دەپ ويلايمىن، ارى قاراي جىلجۋ كەرەك»، - دەپ اتاپ ءوتتى ەلباسى.
«بارلىق ەلدەردىڭ ءى ج ءو 30 پايىز دەڭگەيىندە قالدى، تاۋاراينالىم تومەندەدى، الايدا قارىم- قاتىناس، اشىق شەكارا، بىرلەسكەن كاسىپورىنداردىڭ ءرولى وتە زور. بۇل تۋرالى بۇگىن جوعارى ەۋرازيالىق ەكونوميكالىق كوميسسيانىڭ وتىرىسىندا ايتامىز. ۇقشۇ وتىرىسىندا سونداي-اق قازىرگى قالىپتاسىپ وتىرعان سيريالىق، سونىمەن قاتار تۇركيالىق ماسەلەلەردى قاراستىرامىز»، - دەپ قوستى ەلباسى.
