سىرتقى ىستەر مينيسترلىگىندە ق ر تۇڭعىش پرەزيدەنتى كۇنىنە ورايلاستىرىلعان كىتاپ كورمەسى اشىلدى - فوتو

استانا. قازاقپارات - ق ر سىرتقى ىستەر مينيسترلىگىنىڭ عيماراتىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ورايلاستىرىلعان كىتاپ كورمەسى اشىلدى.

كورمەگە قازاقستان رەسپۋبليكاسى ەلشىلىكتەرىنىڭ شەتەلدە ءار ءتۇرلى ۋاقىت ارالىعىندا كوپتەگەن الەم تىلدەرىندە باسىپ شىعارىلعان كىتاپتارى، جۋرنالدارى مەن فوتوماتەريالدارى قويىلدى.

بۇل قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ - قىتاي، اراب، اعىلشىن، نەمىس، فرانسۋز، يسپان، موڭعول تىلدەرىندەگى، سونداي-اق تاۋەلسىز مەملەكەتتەر دوستاستىعى ەلدەرىنىڭ تىلدەرىندەگى ەڭبەكتەرى.

تاۋەلسىزدىك العاننان بەرى مەملەكەت باسشىسىنىڭ ەڭبەكتەرى الەمنىڭ 59 ەلىندە 41 شەتەل تىلدە جاريالاندى.

 ەكسپوزيتسيانىڭ ەداۋىر بولىگى قازاقستانعا، ۇلت كوشباسشىسىنا، سونداي-اق ونىڭ ەلىمىزدىڭ قالىپتاسۋى جانە دامۋىنداعى ءرولى مەن ماڭىزىنا ارنالعان. وسى جىلى رەسەي جانە  ۇلى بريتانيادا جاريالانعان كىتاپتار، ونىڭ ىشىندە «سوزيداتەل: نۋرسۋلتان نازاربايەۆ. ۆزگلياد يز روسسي» (كىتاپقا الدىڭعى قاتارلى رەسەيلىك پۋبليتسيستەردىڭ، شولۋشىلاردىڭ، حالىقارالىق تىلشىلەردىڭ وچەركتەرى، سونداي-اق نۇرسۇلتان نازاربايەۆقا ارنالعان ءىرى ساياساتكەرلەردىڭ سوزدەرى مەن ويلارى ەنگەن)، «پو كوم زۆەنيت يادەرنىي كولوكول؟» (جاھاندىق يادرولىق قاۋىپسىزدىك سالاسىنداعى مەملەكەت باسشىسىنىڭ باستامالارى تۋرالى كىتاپ)، «Leadership Perspectives»  (ق ر پرەزيدەنتىنىڭ حالىقارالىق ساياسات، ينستيتۋتسيونالدىق رەفورمالار، قازاقستاننىڭ جاڭعىرۋى جانە ەكونوميكالىق دامۋى جونىندەگى وزەكتى پروبلەمالارى تۋرالى سوزدەرى مەن باياندامالارىنىڭ جيناعى) جانە «بىتىمگەر» (ۋكرايناداعى قاقتىعىستى رەتتەۋگە باعىتتالعان ءبىزدىڭ مەملەكەت باسشىمىزدىڭ قارقىندى قىزمەتىنىڭ تىكەلەي كۋاگەرى بولعان قازاقستان رەسپۋبليكاسى پرەزيدەنتىنىڭ كومەكشىسى نۇرلان ونجانوۆتىڭ كىتابى) ەرەكشە قىزىعۋشىلىق تۋعىزادى.

3- جەلتوقسانعا دەيىن جۇمىس جاسايتىن كورمەگە بارلىعى 200 كىتاپ قويىلعان، دەپ حابارلايدى ق ر س ءى م باسپا ءسوز قىزمەتىنەن.