قايرات نۇرتاستىڭ ءان كەشىندە ونەر كورسەتەتىن شەتەلدىك جۇلدىزداردىڭ ەسىمى بەلگىلى بولدى
الدىن الا بەلگىلى بولعانداي، قايرات ءوزىنىڭ شىعارماشىلىق كەشىنە ينديرا ەلەمەس، نيۋشا، تيماتي، سەرگەي لازاريەۆ، «Reflex» توبى جانە باسقا دا تانىمال جۇلدىزداردى ارنايى شاقىرىپ، ەلوردا جانە الماتى تۇرعىندارى مەن قوناقتارىنا ەرەكشە سىي جاساماقشى.
كونسەرتتە ءارتىستىڭ كوپشىلىك ءسۇيىپ تىڭدايتىن اندەرىمەن قاتار جاڭا، زاماناۋي فورماتتاعى اندەرى دە ورىندالادى. اتاپ وتسەك، جاس ءانشى ءوزىنىڭ شىعارماشىلىق عۇمىرىندا وراسان زور كولەمدە جەكە كونسەرتتەر بەرىپ، جۇزدەن استام اندەرىن جازىپ ۇلگەردى.
2013 -جىلى قايرات نۇرتاستىڭ ءومىر جولى مەن شىعارماشىلىعىن باياندايتىن «وكىنىش» اتتى كوركەم فيلمى جارىق كوردى. سونىمەن قوسا شىعارماشىلىعىنىڭ مۇمكىنشىلىكتەرىن ودان ءارى كەڭەيتۋ ماقساتىندا جۋرنال مەن ءوزىنىڭ كيىم ۇلگىسىنىڭ جەلىسىن شىعارىپ كەلەدى.
قايرات نۇرتاستىڭ ءان كەشى 12 - جەلتوقساندا استانا قالاسىنىڭ استانا- ارەنا ستاديونىندا جانە 17-18 - جەلتوقساندا الماتى قالاسى بالۋان شولاق اتىنداعى سپورت سارايىندا وتكىزىلمەك.
دەرەككوز: BAQ. KZ
