رۋمىنيا پارلامەنتشىلەرى ق ر پرەزيدەنتىنىڭ ۇلت جوسپارىن جوعارى باعالادى
قازاقستاننىڭ ەلشىسى داۋلەت باتىراشيەۆ كونفەرەنتسيا قاتىسۋشىلارىن قازاقستاننىڭ قازىرگى كەزدەگى سىندارعا جاۋابى بولىپ تابىلاتىن جانە ەلىمىزدىڭ بارلىق سالالارداعى دامۋدىڭ جاڭا ساتىعا شىعارۋدى كوزدەيتىن بەس ينستيتۋتسيونالدى رەفورمالاردىڭ باستى قاعيدالارىمەن تانىستىردى.
ءىس-شارا قاتىسۋشىلارى قازاقستان وتكىزەتىن رەفورمالارعا جوعارى باعا بەرىپ، ولاردىڭ ۋاقىتتىلىعى مەن وزەكتىلىگىن ايتىپ ءوتتى. اتاپ ايتقاندا، پارلامەنت سەناتىنىڭ ەكونوميكا جانە ونەركاسىپ كوميتەتىنىڭ ءتوراعاسى نازارە ەۋدجەن تساپۋ ءوزىنىڭ سالەمدەمە سوزىندە قازاقستاننىڭ ستراتەگيالىق كورەگەندىگى، ونىڭ يندۋستريا مەن يننوۆاتسيالار سالاسىنداعى ىسكە اسىرىلاتىن باعدارلامالارى، جاڭا تەحنولوگيالاردى تارتۋى جانە ءوزىنىڭ كولىكتىك-ترانزيتتىك الەۋەتىن دامىتۋى ۇلكەن اسەر قالدىرۋدا. ونىڭ پىكىرىنشە، وسىنداي ەكونوميكالىق ساياسات قازىرگى زامانداعى مەملەكەتتىڭ ورنىقتى دامۋدىڭ كەپىلى بولىپ تابىلادى. قازاقستان ەكونوميكاسىنىڭ كەيىنگى جاڭعىرتۋى مەن وتكىزىلەتىن رەفورمالارى، ناتيجەسىندە رۋمىنيامەن ىنتىماقتاستىقتىڭ ۇلعايۋى مەن تاۋار اينالىمىنىڭ وسۋىنە سەپتىگىن تيگىزەتىندىگىنە سەنىم ءبىلدىردى.
سەنات ءتوراعاسىنىڭ ورىنباسارى يوان چەلارۋ قازاقستان وتكىزەتىن رەفورمالارىنىڭ باتىلدىعى مەن قازاقستان باسشىلىعىنىڭ كورەگەندىگىن اتاپ ءوتتى. ەلىمىزدىڭ قازىرگى كەزدەگى دامۋى مەن ق ر ۇلتارالىق كەلىسىمنىڭ بىرەگەيلى مودەلىن جوعارى باعالاپ، ەلىمىزدە تۇرىپ جاتقان رۋمىن دياسپوراسىنىڭ مادەني ەرەكشەلىگى مەن ءتىلىن ساقتاۋعا بايلانىستى قازاقستان باسشىلىعىنا العىسىن ءبىلدىردى.
پارلامەنت دەپۋتاتتار پالاتاسىنىڭ ۆيتسە-سپيكەرى فلورين يورداكە رۋمىنيا مەن قازاقستان اراسىنداعى دوستىق قارىم-قاتىناستاردىڭ دامۋىن ايرىقشا اتاپ ءوتىپ، ەكى ەلدىڭ پارلامەنتارالىق ىنتىماقتاستىعىنىڭ بەلسەندىرۋ قاجەتتىگىن قولدادى. سونداي-اق، رۋمىندىق ساياساتكەر وزىنشە مودەلى بولاتىن قازاقستاندىق رەفورمالاردى رۋمىنيانىڭ اكادەميالىق قاۋىمداستىعىمەن قاراستىرىلۋى قاجەت دەپ پايىمدادى.
ءىس-شارا بارىسىندا قازاقستاندىق ديپلومات قاتىسۋشىلارعا قازاقستاننىڭ حالىقارالىق باستامالارى، سونىڭ ىشىندە ب ۇ ۇ باس اسسامبلەياسىنىڭ 70-سەسسياسىندا جاريالانعان باستامالارى تۋرالى ايتىپ، استانا قالاسىندا وتەتىن «ەكسپو-2017» حالىقارالىق مامانداندىرىلعان كورمەسىنە قاتىسۋعا جانە كەلۋگە شاقىردى.
