الماتى پوليتسەيلەرى جاستارعا ەسىرتكىمەن كۇرەستە ناعىز دوس قانداي بولۋى كەرەك ەكەنىن ايتتى - فوتو
بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى. ءدارىس حالىقارالىق بيزنەس جانە كوممۋنيكاتسيا كوللەدجىندە ۇيىمداستىرىلدى.
«بۇل اۋديتوريا بەكەرگە تاڭداپ الىنعان جوق. ويتكەنى، جاسوسپىرىمدەر وسى ءبىر جات قىلىقتارعا بەيىم كەلەدى. بۇعان عالامتور جەلىسى دە اسەر ەتىپ جاتىر. جاستار ساعاتتاپ الەۋمەتتىك جەلىدە وتىرادى. ونىڭ ۇستىنە اتا- انالاردىڭ ءوز بالالارىن تاربيەلەۋگە ۋاقىتتارى جەتە بەرمەيدى. سوندا، وزىمەن-ءوزى قالعان جاسوسپىرىمدەر ءبىر ساتسىزدىككە ۇشىراعان شاقتا، وسىندايدا قاسىنان تابىلا كەتەتىن نيەتى بۇزىق ەرەسەكتەردىڭ سوزىنە ەرىپ، ەسىرتكىگە قول سوزۋى مۇمكىن. سوندىقتان، مۇنداي جاعدايدا بالالارىمىزدىڭ قاسىنان تابىلا ءبىلۋىمىز كەرەك»، - دەدى الماتى ق. ءى ءى د اكىمشىلىك پوليتسياسىنىڭ يۋۆەنالدى پوليتسيا ءبولىمىنىڭ باستىعى، پوليتسيا پودپولكوۆنيگى ءلايلا الىپبايەۆا.
اتالعان وقۋ ورنىنىڭ اكتىلىك زالى جاستارعا لىق تولدى. ولار كەزىندە تەرىس جولعا ءتۇسىپ، تاعدىر تالكەگىنە ۇشىراعان باسقا دا قاتارلاستارى جونىندە جان تۇرشىگەرلىك اڭگىمەلەر ەستىدى.
«ناعىز دوس باسىڭا ءىس تۇسكەندە ونى «ۇمىتتىرۋدىڭ» سۇرقيا جولىن ۇسىنبايدى، ناعىز دوس قولىڭدا شىلىم كورسە جۇلىپ الىپ، لاقتىرىپ تاستايدى. سوندىقتان، ءبىز جاستاردى سالاماتتى ءومىر سالتىن ۇستانۋعا شاقىرامىز»، - دەدى الماتى ق. ءى ءى د ەسىرتكى بيزنەسىمەن كۇرەس باسقارماسىنىڭ باستىعى، پوليتسيا پولكوۆنيگى ازامات سادىروۆ.
سونىمەن قاتار، اڭگىمەلەسۋ بارىسىندا پوليتسيا قىزمەتكەرلەر كوللەدج ستۋدەنتتەرىنە وزدەرىن زورلىق- زومبىلىق ارەكەتتەردەن قورعانۋ جولدارىن ءتۇسىندىردى.
