ق ر ق ك ۇشقىشسىز ۇشۋ اپپاراتتارىنىڭ وپەراتورلارىن جاڭا ءادىس بويىنشا وقىتۋدا - فوتو
قازاقستاندىق اسكەري قىزمەتشىلەردى وقىتۋدى يزرايلدىك ماماندار جۇرگىزەدى، دەپ حابارلادى قر قورعانىس مينيسترلىگىنىڭ باسپا ءسوز قىزمەتىنەن.
قارۋ- جاراقتار مەن اسكەري تەحنيكالاردى جەتىلدىرۋ اياسىندا قۇرلىق اسكەرلەرىنە قاراستى قۇرامالار مەن بولىمدەر اسكەري ءىس- قيمىلدى قامتاماسىز ەتۋ مۇددەسىندە بارلاۋ جۇرگىزۋ ءۇشىن جاڭا ۇشقىشسىز ۇشۋ اپپاراتتارىمەن جابدىقتالۋدا. اتالعان يزرايلدىك ءونىمدى شىعارۋشىلار، كۇردەلى اسكەري احۋالداردا ۇشقىشسىز ۇشۋ اپپاراتتارىن جەتىلدىرۋ مەن قولدانۋدا مىقتىلاردىڭ ءبىرى بولىپ سانالاتىنىن ايتا كەتكەن ءجون. اۋە بارلاۋىن جۇرگىزۋدە ۇشقىشسىز ۇشۋ اپپاراتتارى ەرەكشە تاڭعالدىردى. شۋسىز ەلەكترلى قوزعالتقىشتى كەشەنمەن جابدىقتالعان، سالماعى نەبارى 10 كەلى اپپاراتتى كەز- كەلگەن ۋاقىتتا ۇزاقتىعى 40 شاقىرىم جەردەن، سونىمەن قاتار بيىكتىگى 4 مىڭ مەتردەن باسقارىپ قانا قويماي، اۋماعى 10 شارشى شاقىرىمدى باقىلاۋدى جۇزەگە اسىرادى.
جاڭا زاماننىڭ قۋاتتى ەلەكتروندى اپپاراتۋراسى جەردە جەكە ادامداردى باقىلاپ، شىنايى ۋاقىت رەجىمىندەگى وپەراتورعا «كورگەنىن» ءدال جەتكىزىپ بەرە الادى. سودان كەيىن وپەراتور الىنعان مالىمەتتەردى پىسىقتاپ، ونى باسشىلىققا جىبەرەدى، سونىمەن قاتار جىبەرىلگەن مالىمەتتىڭ نەگىزىندە اسكەرلەر مەن كۇشتەردى ۇيىمداستىرۋ ءۇشىن شەشىم قابىلدانادى. «ۇشقىشسىز ۇشۋ اپپاراتتارى» قوسىمشا ينفراقۇرىلىمدى، اتاپ ايتقاندا، اۋەايلاقتار مەن ماي قۇياتىن ورىنداردى قاجەت ەتپەيدى. سونداي- اق جەردەگى رادارلارعا مۇلدە بايقالمايدى. ولار بارلاۋ ءىس- قيمىلدارىنىڭ جىلدامدىعىن، اۋقىمى مەن جىكتەلۋىن شىنايى ارتتىرۋعا، سونداي- اق اسكەرلەر ءۇشىن ماڭىزدى مالىمەتتەردى العان ساتتە ادامدىق رەسۋرستاردىڭ ساقتالۋىنا مۇمكىندىك بەرەدى.
