ۇلى بريتانيا سيرياعا اۋە سوققىسىن جاساماق
«سيرياداعى ي م سودىرلار ۇيىمىنىڭ يادرولىق، حيميالىق جانە بيولوگيالىق جارىلعىش زات ارقىلى شابۋىل جاسايتىنى انىقتالدى. سوعان وراي، مەملەكەت باسشىلارى سيريا اۋماعىنا اۋە سوققى جاساۋدى قولعا الىپ وتىر. ول كەلەسى سەيسەنبىگە جوسپارلانۋدا» دەيدى ۇكىمەت وكلىدەرى.
ۇلى بريتانيا پرەمەر-ءمينيسترى دەۆيد كەمەرون دۇيسەنبى كۇنى وتكەن كەزەكتى وتىرىسىندا ۇلتتىق قاۋىپسىزدىك جاڭا جوبانى ۇسىندى. سونداي-اق، سىرتقى ىستەر كوميتەتىنە ي م- مەن كۇرەسۋگە ارنالعان وسى ستراتەگيانى جۇزەگە اسىرۋعا تاپسىرما بەرىلدى.
«مەن ءبىزدىڭ حالىقارالىق وداقتاستارىمىزعا تەك يراكتاعى عانا ەمەس، سيريا اۋماعىنداعى ي م لاڭكەستەرىنە قارسى كۇش بىرىكتىركۋگە دالەل تابامىن»، - دەدى كەمەرون.
ايتا كەتەيىك، ي م لاڭكەستىك ۇيىمى ءۇش جىل ىشىندە يراك پەن سيريانىڭ كوپ بولىگىن جاۋلاپ الدى. سونداي-اق، ولار سولتۇستىك افريكا ەلدەرىنە دە ءوز بيلىگىن جۇرگىزۋگە تىرىسۋدا.
baq.kz
